七公主|黃翠如徒弟李豪入行14年演變性人太監無怨言

·2 分鐘文章
李豪
李豪

TVB熱播劇集《七公主》集結高海寧、黃翠如、林夏薇、陳瀅、江嘉敏、鄺潔楹、劉佩玥及陳曉華等女星,觀眾將焦點放於花旦們嘅演出之外,飾演黃翠如徒弟Roy嘅李豪喺劇入面聽教聽話嘅搞笑演出亦得到觀眾留意,而原來32歲嘅李豪已經入行14年?

李豪喺2007年參加第3屆《香港先生選舉》,同屆參與者包括袁偉豪、李善恆,而李豪奪得「最具人氣香港先生大獎」後加入TVB藝員訓練班。入行至今以劇集《愛•回家》演馬子妮(蔣家旻飾)男友阿豪廣受認識,不過拍攝《愛•回家》前,其實李豪喺劇集《4 in Love》中與蔡淇俊扮演夫婦,仲有接吻戲一幕都令觀眾留下深刻印象。由於李豪擁有一副娃娃臉,大多獲派變性人、太監等角色,不過佢都毫無怨言,落足力演出:「同現實嘅我兩回事,但冇辦法喇,我如果做得差又俾人話唔似,做得好啲人又話你係基,其實都幾茅盾㗎,但橫掂都做基,我就覺得不如基到盡啦。」

李豪多年嚟默默耕耘,不過單憑TVB收入未必足夠,佢就曾喺訪問中透露自己試過無錢交電費,亦試過玩股票,試過因開工而唔記得放股票而蝕大錢,但都有試過賺取幾十萬;,而李豪本身亦諗住喺深圳開舖發展養生茶生意,不過就因為疫情打亂咗計劃。

《七公主》劇照
《七公主》劇照
《七公主》劇照
《七公主》劇照
李豪 & 黃翠如
李豪 & 黃翠如
李豪
李豪
《愛·回家》截圖
《愛·回家》截圖
李豪
李豪
李豪
李豪

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能