《七公主》開播有驚喜 劉丹姚瑩瑩搶鏡 林夏薇淚灑法庭 演技爆發網民嗌心痛

【星島日報報道】集合八大花旦鬥靚、鬥演技的TVB新劇《七公主》，已於周一首播，女主角之一的林夏薇在第一集已演技大爆發，一場淚灑法庭的戲分，獲觀眾激讚喊戲真情流露，認為「真係心痛的喊」！ 文：娛樂組

在首集佔戲較重的黃翠如及高海寧，分別以牀戲及美少女戰士造型成功吸睛，而林夏薇的演技亦獲網民讚賞。薇薇飾演的角色顧語嫣原本是幸福人妻，因交通意外痛失丈夫，她在法庭上要面對翠如飾演的律師顧靈珊百般刁難及歪曲事實，令她氣難下而向對方潑屎。

分享潑屎NG片段

網民大讚薇薇在這場法庭喊戲演得入心入肺，正評留言不絕，包括：「超正！搶晒戲！」、「喊戲好勁，真係心痛的喊。」、「對喪夫和對律師歪曲事實的氣憤掌握較佳」、「林夏薇演技派，佢有好多代表作！演乜似乜！欣賞！」對此，薇薇謙虛回應：「多謝觀眾嘅評價，好驚喜，多得監製同導演剪得咁好，第一集都好緊湊，再睇都覺得個心有啲痛。記得拍攝呢場戲時，一嚟就已經好有感覺，再加上成場戲大家嘅配合，監製又喺開拍前同大家對咗戲，所以都好順利馬上就入到個情緒，一take過。」

薇薇直言很喜歡這個角色：「我成套劇都好享受喺顧語嫣嘅世界，感受佢嘅悲傷同甜酸苦辣。《七公主》每幾集就會有個高潮位，會有好多唔同嘅驚喜，希望大家繼續追落去。監製話希望我通過呢個角色可以更上一層樓，可以俾大家睇到不一樣嘅林夏薇，多謝佢俾一個咁好玩嘅角色我去挑戰！」她也在社交網分享劇中對翠如潑屎的NG片段，坦言：「其實潑人真的好難，知道我有幾緊張嗎？」並對翠如講「辛苦晒」。

監製：客串角色有驚喜

首集另一驚喜是獲「根叔」劉丹以及「Helen」姚瑩瑩客串助陣。兩位演技派分別飾演風流慈父和喪夫但勇敢出庭作供的證人，雖然出場短暫，但簡單幾句對白和表情已令觀眾印象深刻。有網民笑言不捨「根叔」在劇中「咁就走咗」，明明在晚上8點還好地地，果然是丹爺的忠實擁躉。對於客串角色備受關注，劇集監製陳維冠笑言：「嚟緊仲有幾個客串角色都應該有驚喜，會有《四個女仔三個BAR》嘅大狀，另外我哋又特登邀請一位廚藝高手飾演廚師，希望觀眾睇得更投入，同埋多啲新鮮感。」

■劉丹演完《愛．回家》，又在《七公主》中出鏡。

■姚瑩瑩雖只是客串，但令觀眾印象深刻。

■林夏薇投入劇中角色的甜酸苦辣。

■林夏薇的一場淚灑法庭戲，令人看得心痛。

■薇薇笑稱潑人其實好難，又對翠如講「辛苦晒」。

■薇薇公開潑屎一幕的NG片。

娛樂