七師傅桃花旺盛曾與意大利王子拍拖 與現任男友西貢築愛巢協議唔簽紙

由著名玄學家七仙羽（七師傅）主持嘅ViuTV節目《七救星》近期非常火紅，喺上星期五（20日）播出一集，七師傅就幫練美娟（娟姐）大搞結婚沖喜套餐，增強姻緣運；七師傅同練美娟結婚後即席宣佈離婚，再向外藉男友Gerald阿龍主動問及「寶貝，你願意娶我嗎？」，成為最快結婚後離婚又再求婚嘅史上第一人。

七師傅曾喺過去媒體訪問中提及，同現任男友Gerald阿龍喺時裝騷經當時一名追求者介紹而認識，男友不只邀請佢跳舞更問佢拎電話，佢仲笑言對方第一眼就已經好中意自己：「我當時穿了貼身晚裝，身材好好，留著一把烏黑長髮，裙子又短又低胸，你想像到畫面是多煞食。」Gerald阿龍係荷蘭人，於哈佛大學畢業，亦係王室成員後代，直至而家二人已拍拖10年，不過恩愛依然，試過被媒體影到七師傅小鳥依人咁橋住男友拍拖睇戲，情到濃時仲當眾咀嘴。

七師傅自身桃花運非常強勁，佢分享指18歲已有好多追求者。過去嘅戀愛對象都非富則貴，包括意大利王子與科學家；科學家前度男友更加無任何不良嗜好，價值觀亦一致，不過七師傅就嫌對方沉悶，對方得知七師傅想法後提出分手。對於選擇拍拖對象，七師傅就表示自己唔會夾八字，認為最重要係相處開心：「某些人夾了八字也未必開心，我並非追求天長地久，只要每一刻是開心，不會想到將來那麼長遠。」就好似七師傅同男友Gerald阿龍都中意自由，所以就協議唔會簽紙結婚，只係喺外國古堡舉辦過派對同埋喺西貢共賦同居，不過七師傅就話其實同結咗婚無分別，仲不時叫男友做「老公」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！