三個囝囝夠晒數 杏兒順產誕巨B 宣布封肚

【星島日報報道】胡杏兒昨日宣布第3個兒子李奕宏（Liam）於復活節前已經出世，體重8磅多屬巨B，坦言順產時的確有點辛苦。她覺得Liam的樣貌是兩位哥哥的混合體，兩位哥哥對弟弟亦照顧有加。杏兒正式宣布收山封肚，因已有3個兒子需要時間去照顧、陪伴及教導。文：娛樂組

胡杏兒於昨日下午13:14分於網絡平台公布喜訊，並透過錄音訊息回應傳媒問題及分享喜悅，她說：「多謝大家 祝福，其實BB 復活節前已經出 世，因為都係第三個啦！所以都係好忙。等佢返 屋企先同大家公布，佢都好重，無諗過佢咁重，佢都8磅幾，係順產 ，生佢都少少辛苦，因為佢好大隻。」

英文名Liam別具意義

杏兒透露第3個兒子名為李奕宏（Liam），她說：「其實都係爸爸改，今次老公都可以入到產房陪我，一切都順利。我覺得BB似哥哥同二哥 混合體。」而再為人父的杏兒老公李乘德（Philip）亦於社交網上載照片手持BB籃的照片，並留言表示兒子在剛過去的周末出世，重8.4磅，英文名Liam是愛爾蘭人名字，意思跟隨兄弟們足迹，還有「堅決保護者」的意思，至於中文名則會隨族譜「奕」字輩。最後，他透露太太和BB都已平安回家休養，感謝各界的祝福。

提到杏兒在13點14分公布喜訊，杏兒笑說：「一生一世？呢個唔係佢出世時間。總之希望佢健康快樂，我諗都要收山喇，都三個、要時間去照顧、陪伴、教導，其實男女都無所謂，最緊要健康。兩個哥哥見到弟弟都好開心，覺得好新奇，又爭住錫佢睇佢，咁依家BB都好乖，好易湊，多謝大家關心。」

■杏兒笑言兩位囝囝見到細B開心又新奇。

■杏兒分享一家五口的手仔相片，非常溫馨。

■老公Philip手持BB籃，感謝各界的祝福。

■胡杏兒與老公、囝囝幸福美滿，如今家中再添一子，非常熱鬧。

■兩位哥哥爭住錫細佬Liam。

■杏兒發文分享細仔出世的喜訊。

娛樂