三料冠軍忙到爆!炎明熹相隔5日終於發表得獎感言

三料冠軍忙到爆!炎明熹相隔5日終於發表得獎感言
三料冠軍忙到爆!炎明熹相隔5日終於發表得獎感言

無綫節目《聲夢傳奇》喺星期一(19日)舉行決賽,奪得三料冠軍嘅炎明熹(Gigi),自從「上位」後忙過不停,連日都為東京奧運造勢,今日(24日)佢終於有時間喺社交網發表千字文講賽後感言,佢話:「首先多謝TVB畀呢三個大獎我,當時我真的一片空白,我想講得攞到獎並唔係我一個人嘅,攞到呢個獎我要多謝一班台前幕後…」當然唔少得多謝另外14位學員一直陪伴奮鬥、一齊成長。

而最後佢提到家人及粉絲:「每次不分天氣時間都等我支持我,我真的很感動,你哋嘅支持係我繼續奮鬥嘅動力,多謝你們,多謝所有人。我知道一定有漏咗多謝嘅人,用言語表達亦不是我擅長的,日後我會盡力做好每一個表演,用行動嚟報答你哋對我嘅支持🙏」一班網民都留言:「實至名歸🔥」、「加油啊!」、「你唱歌很好聽呀,我同囡囡都是你的fans!」

炎明熹留言
炎明熹留言