三父女盡顯體適能 狂奔一條街追巴士 「神燈精靈」助截車

【on.cc東網專訊】為咗追巴士,你可以去到幾盡?有車主周六(13日)在社交平台分享其所見所聞,駕車期間見到一名父親與兩女兒追巴士,惟跑到車站時巴士亦起步出發。未料,父親不肯放棄並帶同小朋友飛奔至下一站上車。眼見3人未能及時趕至,車主亦立即停車並上前告知巴士司機,後者才稍息等待3父女到場。不少網民睇完片段後,均為車主作為留言讚好,大讚:「香港人好有人情味」。有網民更錯重點,留意到拍片車主正播放迪士尼動畫《阿拉丁》的主題曲「A Whole New World」,車主猶如化身神燈精靈,幫助3父女截巴士。

事發於周六早上6時許,地點位於太古城中心附近,該名身穿黑衣的父親拖着女兒朝巴士站方向跑去,正當以為3人能趕上之際,巴士亦啟動引擎駛離車站,不過父親未見氣餒,立即拔腿再跑欲衝去下一站上車。身穿藍色上衣的車CAM車主亦驚嘆道,「居然唔放棄跑去第二個站」,見狀亦出一分力,在巴士停車後立即駛至其後方,並落車告知巴士司機有人正在後方追趕,而3父女隨後亦順利趕至,「唔想佢哋失望多次,略盡綿力同巴士司機打個招呼等等。」根據車主上傳的影片長度,相信兩位小妹妹跑了至少1分40秒。

網民見到有關影片後,均紛紛留言讚揚車主,「佢哋唔放棄好犀利,仲要有兩個小朋友,加上你嘅幫助感受到香港人好有人情味」、「樓主觀察力勁」、「呢個post(貼文)真係正能量,要俾樓主一個讚」。車主最後亦表示,自己只是因兩位小妹妹的努力而受感動,遂決定出手相助。不過追還追,大家記得要注意安全,要時刻注意路面來車,否則有機會引致交通意外,最緊要安全至上啊!

【更多即時新聞詳情請上東網新聞