三餸一湯｜三姐姜麗文主持配搭新鮮 傳肥媽使橫手搶先播同類節目鬧不和

TVB全新煮食節目《三餸一湯》喺星期一（11日）首播，節目將會一連15集為大家帶嚟好睇又好食嘅家常菜式。今次節目搵嚟三姐（蕭秀香）及姜麗文（Lesley）擔任主持，呢個全新配搭非常新鮮，仲有網民話Lesley好似女版6號（陸浩明），不過6號同肥媽（Maria Cordero）就更自然同有火花。

今日有報道指三姐與姜麗文喺2月中已經為節目舉行拜神儀式，而節目亦原本打算喺肥媽嘅《煮·野食》後播出，不過有傳肥媽私底下視三姐為眼中釘，疑不滿三姐獲公司寵愛，所以便向高層曾志偉自薦喺屋企拍攝4集居家版嘅《全民居家煮嘢食》，搶到頭啖湯。

今次三姐與肥媽傳出不和傳聞，三姐喺接受傳媒查詢時就否認，仲話大家係成年人有咩好鬥，佢哋兩個嘅形象唔同，唔需要作出比較。三姐仲話佢哋之前試過一齊去跑步，不過之後肥媽隻腳不適先至冇繼續跑。另外。有指節目被逼延期，三姐就話當時公司有講過會3月出街，不過有粉絲支持自己，所以節目幾時播都無所謂，仲話聽到節目嘅收視ok，所以佢都好滿意。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！