【上環美食】上環足料沙嗲牛肉麵只賣$23 仲有自調粉漿頭抽炸豬扒飯

·4 分鐘文章
【上環美食】上環足料沙嗲牛肉麵只賣$23 仲有自調粉漿頭抽炸豬扒飯
【上環美食】上環足料沙嗲牛肉麵只賣$23 仲有自調粉漿頭抽炸豬扒飯

網上「關注組」式群組討論愈講愈烈,以往是綠葉配角的港式小食一次過抬頭,燒賣米線芫荽、雞蛋仔、車仔麵、奶茶後,「沙嗲牛肉」來勢洶洶,最近上環一間外賣小店的沙嗲牛肉麵也被網民大讚足料,雖然只是用最普通的透明外賣膠盒裝盛,但見沙嗲汁濃厚掛麵,牛肉大大塊,湯面帶點紅油,單睇外表,已覺誠意十足。

【立即讚好】全新 Yahoo Food Facebook 專頁

【上環美食】上環足料沙嗲牛肉麵只賣$23 仲有自調粉漿頭抽炸豬扒飯
位於上環西港城附近,不設堂食,只做早午市,每日5pm就休息。
【上環美食】上環足料沙嗲牛肉麵只賣$23 仲有自調粉漿頭抽炸豬扒飯
沙嗲牛肉麵本不是小店主打,算是新嘗試,卻有意外收穫。
【上環美食】上環足料沙嗲牛肉麵只賣$23 仲有自調粉漿頭抽炸豬扒飯
左起:Anson,阿濼和杰佬,各來自不同背境,同心做好港式小食。

金融人 轉做沙嗲牛

小店「吉利餐室」於去年10月開業,店主之一杰佬是半個金融人,在疫市下依然有心踏進外人眼中不看好的餐飲界,是有見於「社會變得好快,從事金融的感覺愈來愈不實在。想學門手藝傍身,於是就選了餐飲。我和這舖位上一手店主是朋友,邊做邊學了一陣子,上年在機緣之下,決定和朋友頂手來做。

【上環美食】上環足料沙嗲牛肉麵只賣$23 仲有自調粉漿頭抽炸豬扒飯
炒牛肉前,先爆香蒜。
【上環美食】上環足料沙嗲牛肉麵只賣$23 仲有自調粉漿頭抽炸豬扒飯
用牛腍肉,刻意切得大片一點。

所以老實說,餐牌上的改動不算很大,因為小店都儲落一班熟客,部份菜式不會變。」杰佬說。小店本做腸粉燒賣,港式早餐及海南雞飯,直至月前,他有見網上對沙嗲牛肉的討論愈來愈有趣,他也想小試牛刀,就與主力廚房的阿濼和Anson開始研究試味,準備加入menu中:「當時試味試到我屋企人問,今日又係食沙嗲牛肉呀?」Anson笑說。

【上環美食】上環足料沙嗲牛肉麵只賣$23 仲有自調粉漿頭抽炸豬扒飯
控制火喉,牛肉炒得鮮嫩。
【上環美食】上環足料沙嗲牛肉麵只賣$23 仲有自調粉漿頭抽炸豬扒飯
沙嗲醬以現成的為基調,再加入自家香料及調味。

牛肉先爆香 再炒沙嗲醬

「有時食出街外的沙嗲牛肉麵,碗中的湯、沙嗲醬、牛肉是完全分開的,食牛肉係食唔到沙嗲味,湯亦無沙嗲味。」Anson說,所以沙嗲醬,他們不只用現成的,而是在現成的沙嗲醬上加自己配料再煮,花生味特濃。牛肉呢,選切得大片的牛腍肉。

【上環美食】上環足料沙嗲牛肉麵只賣$23 仲有自調粉漿頭抽炸豬扒飯
快手炒勻。
【上環美食】上環足料沙嗲牛肉麵只賣$23 仲有自調粉漿頭抽炸豬扒飯
醬汁黏上片片牛肉。
【上環美食】上環足料沙嗲牛肉麵只賣$23 仲有自調粉漿頭抽炸豬扒飯
沙嗲牛肉麵 $23(推廣價)。
【上環美食】上環足料沙嗲牛肉麵只賣$23 仲有自調粉漿頭抽炸豬扒飯
用福字泡麵,有order時以熱水浸煮,麵條厚實,掛上沙嗲醬好香口。

「其實煮法唔係好難,只係我哋唔走捷徑,例如大家都知,牛肉係要先爆香,再炒沙嗲醬先入味。但花的時間當然更多。我哋肯做,牛肉就自然更入味,沒有甚麼秘密。」杰佬補充。現時沙嗲醬每早都炒好一盤供一日使用,每有order,先加熱水泡福字麵,再爆炒牛肉,加沙嗲醬炒好,放上湯麵,上枱時香噴噴,未食已經飄來花生香,牛肉大塊,夠軟而無渣。牛肉麵外,炸豬扒飯也是熟客值得一試,炸豬扒的粉漿自己調,炸得豬扒皮薄脆,肉質鬆軟,簡單配一雙太陽蛋,加一勺頭抽,蔥油,才$40,認真抵食。

【上環美食】上環足料沙嗲牛肉麵只賣$23 仲有自調粉漿頭抽炸豬扒飯
美中不足是小店只做外賣,放一段時間吃,味道質感始終會打折扣。
【上環美食】上環足料沙嗲牛肉麵只賣$23 仲有自調粉漿頭抽炸豬扒飯
(頭抽豬扒飯製作中)取貨時指定用厚切的大塊豬扒,炸粉自己調製,只搽上薄薄一層。
【上環美食】上環足料沙嗲牛肉麵只賣$23 仲有自調粉漿頭抽炸豬扒飯
蔥油是必需的。
【上環美食】上環足料沙嗲牛肉麵只賣$23 仲有自調粉漿頭抽炸豬扒飯
頭抽也自己煮過,特別香甜。
【上環美食】上環足料沙嗲牛肉麵只賣$23 仲有自調粉漿頭抽炸豬扒飯
頭抽撈飯(2餸) $40。配煎雙蛋及炸豬扒,豬扒脆而不油,肉質十分鬆軟,連太陽蛋,蔥油及頭抽吃,愈大啖愈滿足。

全新訂座平台「Yahoo訂餐廳×Openrice」正式上線!

>>立即按此了解更多香港各區餐廳訂座優惠<<

吉里餐室

地址:上環東來里2號(地圖按此)

電話:9830 9008

今晚食乜好?即睇最強雞翼食譜、牛油果食譜合集

食乜養生好?二十四節氣:中醫教路/湯水進補/穴位養生

自助餐推介!睇盡各種自助餐優惠/回本攻略

想知最新飲食資訊?按此觀看Yahoo Food編輯推介

更多上環美食推介

【上環美食】越南華僑主理越南牛河!度身訂造鮮河粉米香十足

【上環美食】小店推$38海南雞飯?仲送雞湯底冬瓜湯!

【上環美食】全新割烹料理進駐米芝蓮三星志魂舊址!日廚席前禾稈草大火燒鰹魚

【上環Happy Hour】日式頹廢搖滾風酒吧TMK!用$290可請全場飲清酒?

【上環美食】本地人氣插畫Dustykid開心靈茶食店!自家製小巧健康茶食

>>按此下載<< 全新Yahoo APP,領取最新餐廳優惠、氣炸食譜、自助餐推介、仲有飲食達人教你識煮識食,讓你成為真正全面的吃貨,立即下載!

【今晚食乜好】唔知今晚食乜餸?立即去Yahoo Food 食譜專頁搵靈感