上《勁歌》唱到「灰」何雁詩捱批爆喊

東方日報
·1 分鐘文章
何雁詩因出碟而壓力爆煲,加上唱歌被彈,即時哭成淚人。
何雁詩因出碟而壓力爆煲,加上唱歌被彈,即時哭成淚人。

新版《勁歌金曲》搞搞新意思,增設點評環節,讓歌手即場演繹新歌,並由20位「音樂選民」品評。即將播出的一集中,洪卓立與何雁詩齊齊被狠批,只有吳若希「逃過一劫」!洪卓立被指唱《你那邊好嗎》時太慘情,立刻呆在當場;而演繹《灰夠》的何雁詩被批時更爆喊!她昨日回覆本報時解釋,因見到評判之一的伍樂城而感觸,更自爆喊足全日,自嘲是首個在《勁》喊的歌手:「當年係佢帶我入行,聽到佢嘅評語,就諗起當初玩《超級巨聲》嘅時候,我一喊就收唔到掣,要喊晒出嚟先得。」她指錄影撞正出碟前一日,故有點壓力爆煲︰「積積埋埋先會有多啲情緒,所以當日比較脆弱。(覺得呢Part太尖銳?難受?)試新玩法係好事,我又唔覺得好難受,反而被人評分,令我覺得更加要進步多啲。(怕上《勁》?)點會!我由細被人話到大!」

至於洪卓立則認為不算是狠批:「反而多謝佢肯放錢入我袋,各有各品味同意見啫!我覺得何雁詩唱得幾好,當然我哋都好緊張同埋有進步空間。」