下周六擺酒 放1個月假度蜜月 王菀之造人舉棋不定

(綜合報道)(星島日報報道)王菀之和張敬軒昨日為《903拉闊音樂．劇場版》進行綵排。日前王菀之與Eric So宣布婚訊，她昨日跟現場傳媒甜蜜分享新婚喜悅。 文：駱震寧 圖：羅安強 王菀之宣布婚訊後昨日首次見傳媒，大家要求她與張敬軒分開接受訪問。對此，她表現得相當害羞，硬拉着軒仔一同接受訪問。當軒仔離開後，她說：「軒仔係我嘅安全網。（你唔係有第二個安全網咩？）安全網梗係愈多愈好啦！」 問到婚宴是否跟報道一樣於11月28日舉行？菀之說：「係啊！會同屋企人同親戚食飯。至於朋友方面，因為好多班唔同嘅朋友，可能會分別約再開Party，相信最少都會開10個8個Party喇。」談到軒仔提及過要做伴娘，問到軒仔可會毛遂自薦出席婚宴？她笑說：「佢要做伴娘就畀佢做啦，佢可以幫手攞吓戒指、花。」 未正式嗌老公 問到菀之習慣稱呼Eric為老公沒有？她害羞地說：「我未嗌啊！（你點嗌？）唔係疊字，係一種食物，不過係咩就唔講喇！」此外，菀之透露早前發布的照片，已是他們的婚紗照。她說：「因為之前嘅工作，已經着過好多唔同嘅婚紗。自己今次就想着番喜歡嘅裙，佢（Eric）就預備咗一個好特別嘅頭飾。」 另外，菀之透露早幾個月已跟公司請1個月假期，婚後就會出發去度蜜月。問到度蜜月地點？她說：「本身都係諗住去歐洲，依家會多留意新聞，衡量是否安全，再作決定。」問到是否準備生BB？她說：「我哋覺得有時候係，有時候唔係。」 軒仔想做大妗 跟軒仔提到菀之已應承他以伴娘身分出席婚宴。軒仔笑說：「到時我着埋大妗姐衫幫佢梳頭。」軒仔坦言曾為孩子氣的菀之擔心過，因Eric是一個相當成熟的男士，但近年見她很大轉變，替他們十分高興。軒仔又透露近日有不少記者於他們的家門24小時守候，並讚她處理得非常好。他說：「王菀之係呢個年代相當有代表性嘅女歌手，希望大家畀多啲空間佢哋。」 ■王菀之與張敬軒昨日為拉闊音樂會綵排。 ■軒仔對菀之呵護備至。 ■當大家恭喜菀之將成為蘇太時，她笑到見牙唔見眼。 ■王菀之宣布婚訊後首次公開露面，並大晒疑似求婚鑽戒。 ■軒仔笑言想做埋菀之的大妗姐。 ■王菀之表示與未婚夫Eric對生BB未有定案。(資料圖片) 娛樂