不介意被標籤「中疫女」 施匡翹靠抵抗力 治療情傷

·2 分鐘文章
施匡翹喜歡漆黑一片的孤獨感,才能全情投入釋放情感。
施匡翹喜歡漆黑一片的孤獨感,才能全情投入釋放情感。

歌手施匡翹(Zaina)是香港首個感染新冠肺炎的藝人,她的新歌《康服期》似她的經歷,當日收到歌詞見這3個字也嚇親:「其實係一個愛情故事,講個女仔畀人冷落,內心好受傷,明知個男仔對自己唔好,但又情難自控,最後係靠自己抵抗力,好好咁愛惜自己,同我之前康復經歷有啲似。」

被標籤為「中疫女」,其實她並不介意:「我冇乜所謂,人哋點講我又控制唔到,惟有樂觀、正面去面對。」又指初入行時對這行業好陌生,怕言多必失,但後來發覺自己承受壓力程度強,最緊要做好自己。

與舒文一次生兩次熟

今次新歌再跟監製舒文合作,錄了3日就完成,她笑說:「上次錄咗10日,可能大家未咁熟嘅時候,我唔係好敢喺錄音室釋放自己。」她錄音都有個習慣,就是錄音室一定要熄燈,因為當她要釋出內心情感,顧不及表情樣貌,不喜歡讓其他人看到。

最初Zaina以為這個錄音習慣好奇怪,但原來每個歌手都有個人癖好。她說:「錄音室有塊大玻璃,舒老闆會望到我嘅,有時佢會叫停我講呢度點樣唱,佢有嘢表達要我望住佢先做到,但我唔鍾意畀人睇實去唱,變咗好驚佢望到我。同佢錄咗幾次,佢開始了解我,畀我喺玻璃後面唱,佢見唔到我,但我哋用聲音溝通,雖然我好似好孤獨,但我好快進入狀態。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能