「不同意Facebook使用內容聲明」原來係流料

19+

 

唔知係咪最近風頭火勢,呢期又有朋友喺facebook出post,

係聲明禁止facebook使用你嘅內容。

 

其實呢單嘢出現咗好多年,最早搵到2012年已經有專門破解謠言嘅網站報導。

而facebook亦喺當時作出回應,指出所有用戶,

都有權對自己放上fb嘅內容,自行選擇喺咩情況下可以share,

而呢個權限係由用戶自己設定。

 

出嗰個聲明post係唔會有任何幫助,

如果唔想俾所有人都睇到你po咩,就留意返你出嘅post係咪有個地球標誌仔。

有的話,即係呢個係公開post,所有人都睇到。

咁你就要去「設定」選擇返喇。

橋唔怕舊,當年亦有人聲稱只需俾大約60蚊港幣一個月,

就可以將自己facebook內容設定為朋友或者自己先睇到。

如果想慳返呢筆錢,就(又)要將嗰段介紹文字post上網,咁就一毫子都唔駛俾咁話。

否則,你所有facebook內容都會被公開。

Post段字就可以慳返一筆,或者阻止巨企唔用你啲文字相片?

邊有咁大隻蛤乸隨街跳?

不過一段字就可以睇出身邊邊個朋友係豬豬,

又真係幾抵……

原文傳送門

你可能還想看