不敵疫情 何超蓮旺角店執笠

·1 分鐘文章

新冠肺炎疫情重挫飲食界,當中賭王三房女兒何超蓮昨日在社交網公布,在旺角開設的台灣牛肉麵分店不敵疫情影響而結業,並指店舖每月入不敷支,即使嘗試過不同飲食優惠推廣亦未見成效。

此外,明日起食肆將全面禁堂食,開設餐廳的藝人林秀怡及黃美棋不約而同表示堅持開門做生意,林秀怡說:「開門當養住啲員工,唔希望炒人。晚市外賣得幾單,每日可能都係賺千幾蚊。」黃美棋則表示要與合夥人緊急開會商討對策:「餐廳一定照開,但要視乎生意情況,如果每日都蝕錢,唔開好過啦!其實之前實行6點後禁堂食,嗰段時間每日收入跌咗一半。」