不滿被「消費」 拒重組HotCha Winkie鬧爆虛偽冇品 Regen認衰

前女子組合HotCha解散多時，仍不時被翻出不和舊事，黎美言在網上就張惠雅的言論作出大控訴，以「Somebody」諷刺舊拍檔，隔空插爆對方虛偽、冇品，借她宣傳新歌，張惠雅認衰向她道歉。

淡出樂壇的張惠雅（Regen）日前在訪問中談到HotCha合作7年常有爭拗：「拗撬最多是跟Winkie（黎美言），她比較大剌剌，不喜歡就會直接講，未必每個人頂得順她的性格。」此言即辣着Winkie，她於社交網上載千字文還擊，怒轟Regen借她宣傳新歌，直斥對方冇品。

被「小動作」傷害

Winkie寫道：「其實你過好自己人生，我覺得冇必要再喺你訪問度提起評論我，我哋已經係分開個體。因為對我來講，我都頂唔順你哋性格，人前人後一套，冇team spirit，全為自己私心。」為表現大體、不影響大局，多年來她將痛苦隱藏，但啞忍了15年她決定坦誠善良相處，絕對好過被人出賣。她指自己鍾意直接講，暗寸2個舊隊友：「就係唔鍾意你哋喺背後做咁多小動作傷害我。」

雖然今年是HotCha成軍15周年，但她正式宣布：「呢個組合我唔會再有興趣重組，粉絲們抱歉，15周年我曾經嘗試為你們爭取過演唱會，最後我選擇自己心靈行先，你冇辦法想像忍耐15年有幾受傷害。」她坦言弟弟離開的傷痛，她仍在適應中，希望不要再在其傷口上繼續灑鹽。

就Winkie的怒轟，Regen也在社交網寫下長文為自己申辯，指內容被斷章取義，自知「講嘢唔叻」，向Winkie致歉：「Winkie好多嘢都直接講出嚟，我係buy呢一套，OK佢呢個性格。」她覺得近年Winkie心態變得成熟正面，背負好多壓力仍努力創業：「所以引起嘅難受喺度講句對唔住。」