「不老童星」侯祥9歲停止發育 出道18年都係做童星

·2 分鐘文章
「不老童星」侯祥9歲停止發育 出道18年都係做童星
「不老童星」侯祥9歲停止發育 出道18年都係做童星

相信唔少人都有喺電影睇過咩係「不老症」,例如外國電影《孤疑》(Orphan)嘅Esther及港產電影《殺人犯》嘅凌福榮(譚真一飾)等等,都係講角色雖然外表同小朋友一樣,但心智上已經係一位成年人。喺現實生活中,娛樂圈都有個「不老童星」侯祥,雖然佢已經36歲, 但仲係小朋友樣。

來自北京嘅侯祥於1985年出生,細個時同一般小朋友冇分別,但到咗6、7歲開始高得好慢,無論食幾多補充品都冇用,直到9歲佢冇再長高,醫院檢查後話佢已經停止發育。父親話侯祥係早產嬰兒,經醫生搶救及住院一個月先可以保住性命,呢個可能同佢患「不老症」有關。

性格樂天嘅侯祥,把握自己特點加入演藝行列,做演員做「童星」。出道至今十幾年,佢飾演過無數次「孩子」,之前仲同張國立合作《中國往事》,佢真實年齡亦嚇咗張國立一跳。另外,有傳侯祥身家有過千萬人民幣,已減少幕前演出。

侯祥喺事業有起色時,鼓起勇氣向中學時期暗戀嘅女同學表白,女方冇嫌棄佢身高,反覺得佢有才華。二人拍拖幾年後,於2013年結婚。雖然佢哋成日被人笑似「兩母子」,但佢哋都冇理會其他人,只要冇戲拍,佢就會同老婆去旅行,兩公婆過住美滿嘅生活。

侯祥(微博圖片)
侯祥(微博圖片)
侯祥(微博圖片)
侯祥(微博圖片)
侯祥(微博圖片)
侯祥(微博圖片)
侯祥(微博圖片)
侯祥(微博圖片)
侯祥(微博圖片)
侯祥(微博圖片)
侯祥(微博圖片)
侯祥(微博圖片)
侯祥(微博圖片)
侯祥(微博圖片)

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!