世上獨有 西班牙玩滑翔傘飛鷹做導遊
如果喜歡玩刺激驚險活動嘅朋友,去到外國可能都會玩過滑翔傘,由教練陪同之下飛往空中,尤如飛鷹一樣於天際滑行,又可以於空中欣賞當地風景,絕對值得一試。不過於西班牙安達魯西亞就有一間滑翔傘公司,以飛鷹同遊為賣點呢!
老闆Scott Mason為英國人,自2001年開始已經開設滑翔傘旅行公司於尼泊爾營運,而Mason本身係一位資深養鷹達人,由佢馴養嘅飛鷹都懂得聽指令,於是Mason結合兩者,以飛鷹伴滑翔傘同遊,遊客於空中可以跟住飛鷹滑行,仿佛自己真係變成一隻飛鷹於空中漫遊,而且由於飛鷹天性就懂得搵上升氣流以助自己滑行,所以Mason只要於空中跟住飛鷹方向飛就可以一同享受上升氣流,令滑翔時間更長。而且Mason並非只將飛鷹用作生財工具,因為收入大多數用作保育野生飛鷹之上,仲話希望透過滑翔活動令遊客更認識呢類飛禽呢!
相關文章: