世界最惡劣氣象站 吉祥物貓貓因病去世
世界各地嘅高海拔山峰之上通常都設有氣象站作觀測天氣之用,一般嚟講工作人員都係幾年輪換一次,畢竟環境惡劣與世隔絕,無可能永遠留守。
不過於被稱為「世上最惡劣氣象站」嘅美國華盛頓山觀測站之中就有一隻貓貓Marty,12年來一直留守氣象站與工作人員一同生活,被選為華盛頓山上嘅吉祥物。但好景不常,Marty日前就因為感染「不可預期」疾病而離世,而事實上當地工作人員打算下年就帶Marty回山下一個家庭中「退休」安享晚年,令人惋惜。華盛頓山觀測站位處海拔6,288公尺之高,氣氛變化大而且極為寒冷,因此於此當值可以話係苦差一份,所以自1932年開始站內人員就飼養貓貓陪伴,成為站中傳統。唔少網民得悉之後都到官網留言悼念,仲話Marty係每位登上氣象站遊客嘅亮點呢。
相關文章: