【世界盃2018】靚仔鮮肉通通脫掉 10國球星肌肉照大對決邊個係C朗最大競敵？

Cosmopolitan.com.hk

更新日期： 2018年6月22日下午11:00

2018俄羅斯世界盃賽事舉行得如火如荼，不論你只係跟風扮球迷，還是一向都熱衷歐洲盃嘅忠實粉絲，呢個時候也感該團結起嚟，一齊熱血！除咗精彩嘅賽事之外，球場上最吸引我地目光嘅，當然是一眾靚仔球星啦！呢班平時訓練有素嘅鮮肉球員，個個都擁有精壯無比的大肌肉！配上深邃嘅眼神，連直就是球場上最強的放電機。這裡為大家整理出來自德國、英國、巴西、西班牙、葡萄牙、法國....等超級強隊中，值得品嘗的極品鮮肉們通通脫掉嘅畫面，包你睇到大快人心！！他們脫下球衣的樣子，保證你心臟受不了～～～

講到人氣王，非Mats Hummels莫屬，佢除咗係德國主力之外，仲擔任過手錶品牌TAG HEUER嘅代言人！靚仔程度得到認證！佢嗰種溫柔又帶點侵略性嘅眼神，健碩又不失柔軟嘅肌肉，令人受不了！

2011年入選德國國家隊嘅Marco Reus，因為受傷無緣參加2014巴西世界盃及2016嘅歐洲盃，今年佢終於歸隊喇！因為喺球場上跑步時，髮型十足啄木鳥，所以隊友俾咗佢Woody(啄木鳥Woody-卡通人物)呢個綽號，睇波嗰時，他嘅髮型就係佢嘅標誌！很多人都相信今年Woody會為德國隊帶來勝出嘅希望！

再來一位神之隊，德國的球員。身高189cm嘅Leon Goretzka根本就係會行走的衣架，一副模特兒身型！粉絲封佢為最識穿搭足球員嘅封號，無論係英倫風、美國風......佢都駕馭得恰到好處，但不過佢著咩衫並唔係重點，重點係他唔著衫都超有料！都數唔到佢有幾多塊肌肉喇！

James Rodríguez被譽為係C朗嘅接班人！暱稱J朗，今年26歲，喺2014年巴西足球盃打響名號，獲得金靴獎之後更出現「哥倫比亞足球金童」嘅稱號，望望照片，童顏下，居然有一副咁完美嘅身材。而最重要嘅係佢最近離咗婚....姊妹們機會嚟喇！

繼碧咸之後，最紅嘅球星莫過於係C朗啦！佢簡直係天使同魔鬼嘅化身，五官標緻立體，身材正到爆嘅佢，私底下熱愛公益，仲記得佢喺2014年世界盃為一位生病男童剃咗個閃電頭嗎？另外，身為運動球星，有紋身係好常見嘅事，不過C朗喺訪問中曾提過，自從佢知道紋身一年內都唔可以捐血之後，他就再冇紋身嘅打算！又係型男又係暖男，試問有邊個女仔唔鍾意意

阿根廷代表隊嘅Paulo Dybala，有著《以你的名字呼喚我》裡面Timothée Chalamet嘅憂鬱眼神，眉宇間更流露出小弟弟的稚氣，令姐姐們好想戀愛呀！呢位小鮮肉目前聲勢亦超高，球技精湛又有顏值，同樣被視為C朗嘅接班人！

上屆世界盃亞軍阿根廷，除了有隊長美施值得留意之外，另一位老將Federico Fazi 亦不容忽視，身高195cm，胸肌同人魚線都超吸睛，借問聲條泳褲可唔可以拉低啲？

「歐洲紅魔」比利時喺1986年獲得世界盃第四名，是隊史以來最佳紀錄，不過2018年的比利時好似又再進入「黃金時代」，今次世界盃抽到G組對巴拿馬同突尼西亞，未有受到威脅，隊內仲有呢個又靚仔又大集嘅Nacer Chadli 幫手，大家都好期待比利時重返榮耀！

尼馬也不用多介紹吧！有外表、有球技、仲整有自信，曾放話要打敗美施！上屆世界盃人氣已經爆晒棚，成為全世界少女嘅鮮肉新歡。睇佢嘅肌肉照，小心鼻血不止呀！

曾喺法國乙組聯賽以21個入球得到該季神射手嘅Olivier Giroud，雖然今年已經31歲，但係擔任前鋒嘅佢他，實力依然不容睇少。球迷印象最深嘅一定係他嘅超性感鬍鬚同永遠梳到令立立嘅油頭，手臂上嘅紋身更令他增添一份壞男人魅力，甚至有點似Zack Efron！身高192cm，身型又超級好，他仲幫Hugo Boss拍過廣告，唔做足球員都可以做模特兒呀！

身為前鋒的法國性感男神Antoine Griezmann，喺馬德里球隊入面嘅表現就已經備受矚目，而佢多變嘅造型更受到無數女性鐵粉嘅追捧，身為法國人，一頭金髮配上藍綠色眼珠，電力十足，迷死人！睇佢踢波簡直係一種享受啊～～～

身為足球圈新血，只得22歲嘅Marco Asensio喺球場上嘅表現備受關注，除咗替西班牙帶來年輕活力之外，身為中鋒嘅佢還能擔任翼鋒嘅位置，呢位足球小將，肯定係大家嘅關注焦點！健康膚色加上給陽光嘅燦爛笑容.....太完美了吧！

Gerard Piqué有著憂鬱嘅藍色眼睛，眼神中散發出溫柔又堅定嘅氣質，曾被西班牙品牌Mango相中，擔任代言人。不過，最令人驚訝又傷心嘅係，他係拉丁天后Shakira嘅老公！兩人兒子超可愛！唔使諗，呢個可以Pass。

身為英國前鋒嘅Harry今年只得24歲，已經有著十足嘅野心，對於今次世界盃，他豪氣地說出：「英國一定會是最勇敢跟積極的隊伍」！女士們都聽到了嗎？仲唔好好做背後支持佢嘅女人！

今年25歲嘅Jack Butland，18歲嗰時就已經代表英格蘭青年隊出賽，之後亦喺2012世盃短暫上場，成為英格蘭歷史上最年輕上場嘅門將。有才華嘅鮮肉寧舍吸引，不過睇睇佢IG....，除咗比賽英姿之外，幾乎全部都係他同女友嘅合照，嗚嗚.....又冇行。

【延伸閱讀】2018世足主題曲被球迷譙翻？盤點歷年世足神曲TOP10！