【中二女學生剖白】即使我媽媽是妓女-但我仍然好敬佩她

家家有本難念的經,這道理大家都知道,可是並不是每個人都會體諒。一位中二女同學因誤信友人,和她分享了最大的秘密,不但令自己的校園生活毀於一旦,受到朋輩師長不友善對待,還要堅強地想辦法保護媽媽,不讓冷言冷語傳入媽媽耳內。

20161205 5396 a1
20161205 5396 a1

根據匿名女同學在Facebook「名校Secrets」內發表的文章所指,一切事情由誤信好友開始,和友人透露媽媽從事特殊行業,殊不知友人聽後大叫「吓你啊媽係雞?」而導致事件傳遍校園!縱使該女同學聲稱已與友人絕交,但她的校園生活已經一去不返,同學開始言語欺凌她,更甚的是連老師也以此事件開她玩笑,這位中二學生所承受的心理壓力絕非我們常人所能想像。

20161205 5396 a01
20161205 5396 a01

以下是女同學撰寫的全文,雖然用字略為粗俗,但反而更真實地表達女同學心中的憤怒:

其實我想問,做妓女個女有咩錯?

我屋企一家五口,單親,老豆去左。

我啊媽學歷低,又冇乜工作技能。左我地四個仔女可以獲得更好嘅生活,就一日做三份兼職,有時仲會接下客咁。畢竟除左四個仔女之外,上面仲有兩個老弱殘障要養,老豆去左又留一堆債未還,而且我媽仲想我地去上興趣班學下學器咁。為生活所逼,其實我唔覺得我媽接客有咩大問題。

得作為家中長女嘅我一個,知道我媽有接客呢件事。無奈地上個月因為少少意外,而俾我個八婆同學知道左呢件事。之後,佢即刻唱到成班都知,搞搞下全級都知,我衣加日日翻學都俾人笑。

衣加「雞」普遍變左我嘅代號,其他嘅,女交婆、AtV女優、臭_,甚至連肉便器都有俾人叫過。試過有幾個男同學笑住問我可唔可以俾佢地輪流__;又試過上上下樓梯俾個女同學扯左條打底褲落嚟,話我做雞唔使著底褲喎。更過份嘅,試過有個以為自己好L幽默嘅教畜啊sir,上堂叫我地要認真讀書,然後望住我講話如果唔係就會好似某啲人咁要出賣身體喎。哈哈哈好L好笑,成班on_同學又真係笑到hihi架喎。

不過好彩冇傳到去我啊媽耳邊,否則我媽如果知道左我喺學校搞成咁,而大家都知佢接客嘅話,都唔知會點。遲啲家長日絕對唔可以俾我啊媽去,如果唔係我個教畜班主任絕對會訓話我啊媽,乜L野唔好影響仔女啊,唔好出賣自己嗰啲。佢最近都有想打過嚟我屋企想講呢啲,好彩俾我cut左線。_你,道理就係人都知啦,邊個會想出賣自己,講咁多,又唔見有人提供實質支援俾我屋企?錢呢__你?嘈嘈嘈,有人可以無條件俾錢我屋企嘅話,咪唔使搞成咁囉。但更好彩嘅絕對係,暫時未有一種名為社工嘅垃圾嚟揾我,學校社工夠hea真係好。

雖然我都明白,唔應該出賣自己身體。但我好敬佩我啊媽,一個啊媽為左生活、為左仔女前途而出賣身體,有咩可笑嘅地方?

係偉大嘅母愛至真。我對自己發誓過,將來絕對唔可以浪費我啊媽對我嘅培育,要出人頭地。做妓女個女,有咩錯?我覺得我品格智商情商等等各種好過班港孩港女好多。雖然粗口略多,但面對住一班咁嘅人我真係難以忍口,唔好意思。

呢間上下都咁弱智嘅學校,我真係唔知點過好,之後點捱?

如事件屬實,女同學刻意脫掉當事人打底褲以及男同學的言語,絕對是可以構成對當事人的性騷擾!小編看後都為之憤怒,老師的行為更加是令人為之側目,竟與一眾思想未成熟的年輕人同流合污,不但不制止同學的言語欺凌,更落井下石實不是一位老師應有的行為!不幸的是,連網絡上這位女同學亦難逃欺凌,有人立心不良聲稱要公開她們母女身份。

20161205 5396 a3
20161205 5396 a3

不過與此同時,都有好多熱心網民願意免費幫她補習,教這位女同學樂器、協助她轉校甚至家長日代為出席,我們將密切跟進事件,嘗試找出當事人和我們把真相娓娓道來,如事件屬實,希望可以尋求最好的方法幫她走出困境。

相關內容

想追蹤更多最新最好的親子資訊?請瀏覽我們 親子頭條專頁