中學交通安全課 搵特技人畀車撞 弄假成真搞出人命

19+

 

日本人做事認真程度可以有幾盡?

 

教學生交通安全,可以點做?

用肇事起因、車禍後果、家人有幾傷心呢啲題材拍宣傳片起警惕作用,

我諗世界各地都做緊。

 

不過日本人好認真架嘛,有學校用嘅方法係︰

喺操場安排特技人親身示範常見交通意外狀況,

例如踩單車唔睇清楚就出路口結果被車撞、

同單車同車輛距離太近被捲入車底等等,

真係當堂撞俾你睇,夠晒震撼。

但係上星期京都一間中學舉行呢類交通安全示範嘅活動時,

就發生意外。

一名負責重現車禍場面嘅34歲特技人,

喺不範期間被車輾過受重傷,經搶救後不治。

全校四百幾名師生就當場目擊事發經過……

唔少網友都討論,仲有冇需要咁樣搵命搏做示範,

有人話「冇出事嗰陣都覺得好得人驚,更何況真係出咗事?」。

 

睇吓網上其他示範片,又真係好似睇緊動作片咁。

呢條就係一旦捲入車底要點做,一路睇真係一路驚碌到對腳……

去片

其實而家咁多CCTV同車cam片,都有好多真人真事嘅片段夠晒阻嚇性。

仲駛唔駛玩咁大?

當然,cut咗呢項活動,震撼程度低咗,而且又會令好多特技人冇飯開嘅。

原文傳送門

你可能還想看