中環新開大型酒吧餐廳 必食新加坡辣蟹醬煮青口+火焰心太軟

·4 分鐘文章

大家有冇發現蘭桂坊一帶唔少餐廳,喺疫情下都加添唔元素,吸引各類型嘅客人呢?呢間新開嘅大型酒吧餐廳佔地4,000呎,集合體育、娛樂同兒童天地3類相關設施,男女老少都啱嚟。不過佢唔係得設施有睇頭,菜式上都落足心思,好似主打嘅青口就有10款歐亞口味,配搭亦幾有新意。

一出��門就係兒童天地
一出𨋢門就係兒童天地
店內一側設有Beer Pong
店內一側設有Beer Pong

店內以橙色為主調,畀人精神有活力嘅感覺。餐廳設有11部高清4K電視,直播或重溫全球各類型運動賽事,而且座位寬闊,無論坐咩位置邊食邊睇都冇問題。

餐廳老闆係新加坡人,所以將新加坡叻沙、咖喱蟹等元素融入唔同菜式之中,就算大家暫時未去到旅行,都可以享受帶星馬菜風味嘅食物,其中必試招牌藍青口,1煲約2-3人分量,而且大隻有肉地。10款口味不論揀邊款,都會先爆香青蔥、百里香同白酒將青口煮熟,再自選配焗法包、法式薯條或炸饅頭。如果你鍾意食辣,開飯仔推介你試新加坡辣蟹醬煮青口、宮保煮青口兩款亞洲風味。

新加坡辣蟹醬煮青口($318)
新加坡辣蟹醬煮青口($318)

新加坡辣蟹醬煮青口($318)

新加坡辣蟹醬煮青口嘅辣蟹醬,要用馬拉盞、辣蟹、泰式辣椒、香茅等醬料煮成1個鐘,備料都要唔少時間。收到點餐後再炒香辣蟹醬,然後加入青口快煮,鹹香微辣好惹味,配法包一流。

宮保煮青口($318)
宮保煮青口($318)

宮保煮青口($318)

宮保煮青口用四川花椒、山西陳醋等香料煮約30至45分鐘製成宮保醬汁,呢種酸中帶辣嘅青口比較少食到,幾有新鮮感。

意式芝士煮青口($318)
意式芝士煮青口($318)

意式芝士煮青口($318)

鍾意傳統口味嘅朋友,呢道意式芝士煮青口嘅醬汁落咗4款芝士,煮起後再加入熟成24個月嘅巴馬臣芝士,香滑但唔會好膩,而且芝士味唔算攻鼻,少食芝士嘅朋友都可以一試。

龍蝦包($258)
龍蝦包($258)

龍蝦包($258)

餐廳其他菜式都好足料,龍蝦包有半隻波士頓龍蝦肉㗎。微烤過嘅龍蝦肉同椰菜絲沙律撈勻後,釀入Brioche牛油軟包,幾清爽開胃,配埋大量炸薯條都幾飽肚。

醬燒豬肋骨($298/半份,$588/全份)
醬燒豬肋骨($298/半份,$588/全份)

醬燒豬肋骨($298/半份,$588/全份)

醬燒豬肋骨就啱晒食肉獸!相中係半份分量,伴上烤粟米、椰菜絲沙律同炸薯條,夠2-4人慢慢嘆。美國豬肋骨先連同醃料及高湯放入焗爐焗2個鐘,再塗滿自家製燒烤醬烤焗約20分鐘,有少少煙燻香氣,但依然肉嫩易咬。

左:椰香炸蝦($128)|右:自家製韓式辣醬雞全翼配甘筍條及芹菜條($138)
左:椰香炸蝦($128)|右:自家製韓式辣醬雞全翼配甘筍條及芹菜條($138)

椰香炸蝦($128)|自家製韓式辣醬雞全翼配甘筍條及芹菜條($138)

如果嚟飲酒又點少得佐酒菜呢!椰香炸蝦選用大隻嘅越南虎蝦,沾上混入椰絲嘅麵包糠炸至金黃色,脆口又帶點香甜,蘸埋香辣芒果莎莎醬就變成泰式感覺。而雞全翼配甘筍條及芹菜條選用size頗大嘅美國雞全翼,有自家製韓式辣醬、車打芝士及Cajun香料醬3款口味畀你揀,配有爽脆甘筍條同芹菜條減低油膩感。

火焰心太軟($108)
火焰心太軟($108)

火焰心太軟($108)

甜品一定要試打卡度非常高嘅火焰心太軟!朱古力流心蛋糕配雲呢拿雪糕好似同平時冇咩分別,但上檯後店員會點燃Grand Marnier橙酒,起火就淋落蛋糕,再快速灑上肉桂粉引起火屑,記得準備定相機打卡呀!喺橙酒加持下,朱古力流心蛋糕都有微微酒香𠻹。

Ministry of Mussels
地址:中環德己立街30-32號加州大廈3樓

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能