【中環至灣仔】文青一日遊 展覽+柴犬Cafe+圍裙工作坊

疫情緩和，暫時未能外遊，港人們都開始計劃一下本地遊，發掘一下香港的美好事。如果好耐無同朋友相見的話，不妨來個文青一日遊。今次目的地集中係中環至灣仔一帶，一天遊行程既可以DIY自製牛仔圍裙，又可以去最新的柴犬Cafe同行下展覽，最後襯滿街都係酒店優惠，索性同朋友租間酒店促膝長談，不過玩還玩防疫措施不能少，記得勤洗手同戴口罩呀!

1: 細看兩位香港女畫家作品 一次過睇晒油彩+水墨畫

行程第一站先去灣仔的Our Gallery行行「INTERTWINED」展覽。展覽由9月15日至11月21日舉行，展出兩位香港女畫家的作品，一位係Y世代畫家周凱蓉 (Jennifer Chow) ，一位係參展畫家思遇 (Mitchell Seeyu) ，前者擅長以塑膠彩和油彩創作，其「Sad Cherry」系列，從第一身的角度詮釋女孩的內心世界；後者在退休後致力於水墨畫的創作，今次展出的新畫作描繪了她長大的香港場景，以旁觀者的角度講述自己記憶中的土地故事。一個展覽可看到兩個不同世代的作品及兩種作畫方式，相當有意義。

Our Gallery
日期: 9月15日至11月21日

網址: 按這裡

2: 世界咖啡師大賽評審開設咖啡店 柴犬兩兄妹駐場

暫時去唔到日本的柴犬Cafe，估唔到香港都有。中環新開的咖啡店「Black Sugar Coffee」，店長係柴犬兩兄妹Black Sugar（黑糖）和Lady Sugar（糖妹），佢地間中會駐場，大家可於其Fb留意柴犬的出現日期及時間。咖啡店的店主William係世界咖啡師大賽（W.B.C.）的評審，其咖啡質素絕對有保證，推介Cold Brew入口香醇不澀，以及選用京都丸久小山園宇治抹茶的抹茶Latte。

Black Sugar Coffee中環店
地址：中環皇后大道中48號萬年大廈1樓109號舖

Facebook: 按這裡

3: 無製衣經驗都得 舊牛仔褲改造成圍裙

第三站不如來個DIY工作坊。如果屋企有唔要的牛仔褲，不如將之改造成老牛工作圍裙。位於PMQ的Phenotypsetter，就推出老牛工作圍裙工作坊，大家只要一條舊牛仔褲，導師會建議設計方向，提供基本紙樣及輔料，並教授簡單裁剪縫紉技巧，即使大家無製衣經驗，都可以係3小時課堂內將舊物翻新成一條老牛工作圍裙。大家可於9月份(19-20/9 除外）11am-8pm內自選連續3小時上堂，自由性相當高，每位$480，1-2人都可以成堂。

Phenotypsetter

網址: 按這裡

4: 人均$900 房內享私人自助餐

最後一站，來到港島香格里拉大酒店。酒店推出Staycation優惠，每房每晚$1,800起，可入住豪華山景客房，另包雙人早餐及房內私人自助餐，比大家係房內安心享用海鮮拼盤、羊扒、泰式鴨咖喱、朱古力心太軟等美食。二人入住的話，平均每人都只係$900起，相當抵玩，注意優惠及入住期限至9月30日。訓到第二朝再返工都一樣得!

港島香格里拉大酒店

網址: 按這裡