中環美食│90後開腐乳主題餐廳 以腐乳比喻逆境：發酵未必變壞 過後更有層次

第五波疫情於餐飲業，當然是洪水猛獸，收入跌一半已屬輕傷，店主們不設法自我鼓勵恐怕支持不下去。中環一間新開的西餐廳破格以腐乳為主題，店主「肥仔」說不只為過癮好玩，更是取其背後象徵意義：「腐乳是由豆腐發酵變成，而發酵其實是食物變壞的過程，所以一件事，就算表面上好似變壞了，但最終結果如何，無人會知道，就好似我哋餐廳疫市下開張，其實未必係壞事。」

【立即讚好】全新 Yahoo Food Facebook 專頁

店主的腐乳哲學 發酵後更有味道

肥仔另有三位拍檔： Leo、Tom及負責廚房的劉sir，餐廳開宗明義，以腐乳為主題，首先要問，為什麼選腐乳？「我哋幾個店主都係九十後，各自都有懷疑自己嘅時候，好似我，因為屋企人經營海味舖，家人都知道做生意之難處，一直都唔鼓勵我創業開舖，叫我打份工就算，但我就對做生意好有興趣，想試自己能力。」肥仔說。

事實上肥仔自己就在經歷由豆腐變腐乳的過程：「喺其他人眼中，我或者唔係走緊一條正路，甚至可能係變壞嘅方向，但就好似腐乳咁，你又點知唔係發酵？發酵過後或者會比之前更有層次，更有味道呢？」

家人親戚 帶頭支持

這套腐乳哲學，也幫助他面對目前的困境，他的餐廳，開業不久就遇上第五波，初期生意當然麻麻：「開張頭一星期真係少客，但因為係我哋預期之中，都唔會好失望，預咗要捱頭幾個月，但呢幾個月已經學咗好多嘢，我覺得我哋就係發酵緊，慢慢等待結果。」肥仔特別想感謝家人，當餐廳生意麻麻時，家人親戚就視餐廳為飯堂，又會介紹給朋友。「有佢哋支持，個心係定啲。」

招牌卡邦尼意粉 每碟用兩粒腐乳

始終是餐廳，放入口的是食物，不是理念。看看餐牌，七成食物都加入腐乳：椒絲腐乳卡邦尼意粉、腐乳咸牛肉飛碟、腐乳咸蛋黃炸魚皮、腐乳焗雞翼等。大廚說他們試勻市面上十多種腐乳，最後沒有取本地名牌，而是中價的開平腐乳：「因為腐乳混合其他食物後就會變淡，所以一定要選味道夠香的。」例如最受歡迎的腐乳carbonara，每碟用上兩粒腐乳，連忌廉打爛成醬，再炒上意粉，拌勻蛋黃吃，既creamy又有隱隱腐乳香。

類似的fusion菜還有英式炸魚薯條配腐乳醬，連Bagel也搽了腐乳cream cheese，鹹鹹香香，真有點像芝士香，不過最特別的要數一款「腐乳咖啡」，見咖啡師在杯底加一小匙腐乳醬，再加一小杯特濃咖啡及tonic，拌勻飲，咖啡果仁香混合少少腐乳獨有的鹹香，aftertaste又幾特別。

全新訂座平台「Yahoo訂餐廳×Openrice」正式上線！

>>立即按此了解更多香港各區餐廳訂座優惠<<

Lau Bistro

地址：中環結志街46號地舖(地圖按此)

電話：25423802

更多中環美食推介

中環美食│BEDU推全新外賣店Little BEDU！超健康美味中東午餐飯盒

中環神戶燒肉石田屋推頂級和牛清酒套餐 低至$580燒肉套餐＋$228三款清酒配搭

中環扒房｜Porterhouse新推$558海鮮烤肉早午自助餐！任食牛扒套餐得呢個時間供應

中環美食│澳洲名廚旗下最新餐廳Moxie 蔬果素食為主 採用本地農場種植食材

中環美食｜H Queen's開《妖怪大圖鑑》主題日本餐廳 主打燒鳥串燒/米芝蓮監修魚生飯

中環街市美食及好去處合集〡全港首間清酒吧/新派流心撻/港式樽仔奶茶

中環美食│蘇豪歐陸風打卡café！打卡必叫盆栽tiramisu班戟

中環酒吧│日式居酒屋Awa Awa開幕！沖繩特色美酒小菜+琉球泡盛

中環美食│Popinjays×Waves Pacific隱世澳洲滋味餐單！烤費裡曼圖章魚

中環美食｜北歐菜x新加坡菜Fine Dining 必食花蟹喇沙飯/魚子醬貓山王雪糕

中環美食│中環歌賦街Taco專門店當甜筒食！配沙嗲牛或臘腸有創意又好食

中環Cafe酒吧｜日間Cafe夜晚Bar！鴨巴甸街Dio Store 飲特色咖啡味梅酒

中環美食｜新加坡名廚坐鎮香港星馬菜館 必飲超重骨膠原鱷魚尾湯+鑊氣乾炒龍蝦喇沙

中環美食│川菜館抵食酸菜魚午餐 另有藥膳雞湯米線/辣子雞軟骨

中環美食｜淺水灣意大利菜打入中環！$180食發酵48小時Pizza 意廚：咁樣食先最正宗

【今晚食乜好】唔知今晚食乜餸？立即去Yahoo Food 食譜專頁搵靈感

>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！