串椒3姊妹：繽FUN星網延續17年情緣 曾華倩踢爆大宇：聽講你暗戀我

梅小惠、曾華倩及江欣燕相隔17年重組，再度登陸繽FUN星網節目《串椒3姊妹》，首位男嘉賓便請來當年陣容之一、「大殺四方」的「師奶殺手」陶大宇再續前緣。今次再戰3位「姐姐」，陶大宇電力不減，不但親自下廚炮製勁辣胡椒蝦蟹，更大講「有味笑話」，眾女即時「㷫合合」！被電到暈晒浪的曾華倩竟不慎險走光，又突然自爆曾與陶大宇有過「一段情」！

陶大宇向來煮得一手好餸，今次再會《串椒3姊妹》亦不敢怠慢，顯身手烹調胡「椒」蝦蟹，夠晒貼題。開爐前眾人徹底清潔雙手，防疫措施做到足。而身為「師奶殺手」的他一上場便立即發功，賣口乖大讚：「你哋除咗靚之外，我都冇嘢好講。」其中與他同期訓練班出道、相識39年的曾華倩特別受落，興奮得腳步浮浮撞向大宇，隨即自嘲：「呢啲係順勢揩油。」又一時忘形險走光，在旁的梅小惠就取笑她「冇嘢睇」。

梅小惠幫理不幫親

之後輪到曾華倩主動出擊，大爆：「訓練班嗰時，我聽講話你暗戀我喎！」大宇就立即反擊直指：「你嗰時都唔睬我嘅，依家就挨身挨勢。」又爆料指當年她經常來去無蹤，被導師以「蛇」笑稱。至於講到與梅小惠的淵源，陶大宇就表示曾與其家姐梅小青合作兩次，直指對方要求高，發現些微瑕疵也要重拍，江欣燕即大爆原來梅小青的花名是「梅高清」：「因為佢睇嘢好高清！」梅小惠亦幫理不幫親的說：「我家姐好民主，不過係假民主。」

下集「福祿壽」踩場

大戰完「師奶殺手」後，下集就有梅小惠及江欣燕的死黨阮兆祥，聯同「福祿壽」王祖藍及李思捷踩場，實行3兄弟對撼3姊妹，記住Mon實7月9日於繽FUN星網播出的《串椒3姊妹》！