串椒3姊妹:繽FUN星網 男神越級電暈姐姐 周柏豪緣分早種 被梅小惠奪第一次

·2 分鐘文章
柏豪越級挑戰,攬住3位姐姐放電,當堂投降啦!
柏豪越級挑戰,攬住3位姐姐放電,當堂投降啦!

演暖男Oppa入晒屋的男神周柏豪,突襲繽FUN星網節目《串椒3姊妹》,使盡渾身解數電暈「50+」姐姐梅小惠、曾華倩及江欣燕,他更自爆與梅小惠「姻緣」早注定,對方堪稱他生命中的「第一」;又曾獲曾華倩帶挈賺錢,當正她是貴人,口甜舌滑冧爆姐姐們!雖然氹女有一手,但他笑言始終難敵「前世情人」,被囡囡Sonya食住!

周柏豪憑劇集《多功能老婆》中暖男「浩田」一角冧盡萬千女生,同樣被迷倒的3姊妹為支持男神,特意自費買入其品牌的顏色Tee,着住錄製節目,令柏豪相當驚喜:「又感動又唔好意思!」並隨即送上品牌吉祥物、在《多》劇大受歡迎的「阿肥」貓星俠絕版公仔作回禮,非常有心。

柏豪雖然已為人父,但36歲的他面對一班「姐姐」即變「小鮮肉」,當中大他19年的曾華倩笑說:「我主持《430穿梭機》嗰陣,你都未出世呀!」但柏豪揚言對3位「姐姐」非常熟悉,當中與梅小惠最有淵緣,因早在童年已有一面之緣,他說:「細個有次去尖沙咀,媽咪拖住我,你就正面行過嚟,媽咪話你係我第一個見嘅明星,嗰時我大約4、5歲。」梅小惠即說:「重點係你媽咪當我係明星!」又搞笑說:「原來小惠姐姐喺你細細個已經種下我哋嘅姻緣!」柏豪又指入行初期曾與曾華倩合作,更被帶挈贏大錢:「我入行做過一個投資嘅綜藝節目,嗰陣我哋一組,贏咗成4萬幾蚊!」

被「前世情人」Head住

談及演暖男入型入格,現實中的他同樣是暖男一名,入行前已跟老婆拍拖的他,坦言老婆從未因其緋聞擔心:「反而係佢畀信心我,我做任何嘢,佢都會支持我。」又透露與老婆是在時裝店偶遇一見鍾情,後來在交友網相認,才發現是鄰居,非常有緣!雖然老婆給予無限空間,但他笑指女兒出世後已「還清」:「依家冇嘢代替到我個女,所有嘢都淨係諗佢,我老婆15年嚟都冇治過我,終於有個人治到我!」

繼暖男柏豪後,下一集就有「不老男神」張智霖殺到,記住留意7月23日於繽FUN星網播出的《串椒3姊妹》!

一物治一物,柏豪對住「前世情人」Sonya冇晒符。
一物治一物,柏豪對住「前世情人」Sonya冇晒符。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能