串椒3姊妹:繽FUN星網:神級愛妻號 返屋企最好 任達華物業遍全球 曾華倩對親家

男神級影帝大駕光臨,3姊妹見到任達華有如蟻摟蜜糖!
男神級影帝大駕光臨,3姊妹見到任達華有如蟻摟蜜糖!

影帝任達華是圈中數一數二的「愛妻號」,他亮相繽FUN星網節目《串椒3姊妹》,大談婚姻保鮮大法,自爆為名模太太琦琦設有專屬手機,方便24小時On Call,更坦言太太是其夢中情人,早在雜誌上看見她的靚相已一見鍾情!

由梅小惠、曾華倩、江欣燕主持的《串椒3姊妹》臨近尾聲,壓軸嘉賓請來分量十足的影帝任達華。今年入行50周年的他,被眾女大讚敬業樂業,他坦言其實每日都是樽頸位,因每日都有新挑戰,要努力做好角色,不斷突破自己,並慶幸遇上不少好導演及監製,包括林嶺東、譚家明、許鞍華及李添勝等,才成就今天的他。

談到他密密搵銀,在全世界均有物業,華倩即笑言要與育有女兒任晴佳的他「對親家」!任達華認為錢財只是身外物:「物質唔重要,最緊要買自己,即係令自己做得更好,當有呢個心,颱風又行到落去,落雨又行到落去,自己條路永遠把握喺自己手。」

手機維繫24年婚姻

小惠讚他投資眼光獨到外,揀老婆亦有一手,他即自豪表示太太琦琦是其夢中情人:「我嗰陣睇到一本周刊嘅封面,有個女仔側住身、戴住帽、着住白恤衫,我就諗如果夢想成真,有佢做到女朋友、太太就好喇!」結婚24年依然恩愛,他笑言全靠科技幫助,令兩公婆即使分隔異地亦無損感情:「我有2個手機,一個一定係佢嘅,平時24小時開住,一睇到就可以視像。」

江欣燕即爆料,指他拍戲最多2星期必定要回家見家人,他冧爆說:「我覺得返屋企係最好。」下星期最後一集,3姊妹將盡訴心中情,記住留意8月27日在繽FUN星網播出的《串椒3姊妹》喇!

華倩講到七情上面,小惠、欣欣與任達華聽到入晒神。
華倩講到七情上面,小惠、欣欣與任達華聽到入晒神。
曾華倩兒子林浩賢與任達華女兒任晴佳,大家覺得登對嗎?
曾華倩兒子林浩賢與任達華女兒任晴佳,大家覺得登對嗎?