丹麥動物園疫情下關閉 熊貓太悶自行偷走!

Yahoo 旅遊

疫情之下雖然歐洲好多餐廳、公共場所都開始重新營業,但仲有好多遊客景點仍然未開門,其中動物園就係代表之一。丹麥哥本哈根動物園,日前就發生一單奇趣事件,園中嘅雄性大熊貓星二,竟然自行「越獄」,成功爬上一個2公尺高嘅欄杆,再鑽過防護網,離開自己嘅熊貓館,成功走到園區內四處閒逛,後來被工作人員發現,大驚之下即時派專人射上麻醉劑,重新困於館內。事件雖然顯示動物園防護明顯有漏洞之餘,同時有人開玩笑話星二係想搵館內另一隻熊貓,就係佢「女朋友」毛三。星二同毛三係中國借畀丹麥嘅兩隻熊貓,去年4月先正式入住哥本哈根動物園,原來疫情關係好多動物園都唔開,園中好多大熊貓可能太悶,又正值發情期,交配率比往年高好多,所以不禁有人笑言星二係想搵毛三「曳曳」呢。

星二住於哥本哈根動物園,日前竟成功越獄。
星二住於哥本哈根動物園,日前竟成功越獄。
哥本哈根動物園向中國租借兩隻熊貓,星二及毛三。
哥本哈根動物園向中國租借兩隻熊貓,星二及毛三。
事件顯示動物園防護明顯有漏洞,令熊貓有機可乘。
事件顯示動物園防護明顯有漏洞,令熊貓有機可乘。

相關文章:

新宿歌舞伎町如鬼城-老鼠出沒咬斷電線

澳洲餐廳太冷清-放置假人頭-結果引來警察上門

尖沙咀霓虹燈招牌展-重現書法街招等傳統工藝


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

你可能還想看