主持後生仔節目不尷尬 陸浩明唔得閒睇對台節目

·2 分鐘文章
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片

【星島日報報道】193@ERROR早前暗寸「40幾歲人仲後生仔傾吓偈」,快將42歲的陸浩明(6號)首當其衝,昨日他與馮盈盈出席活動時,揚言主持後生仔節目不會尷尬,被暗寸都無所謂,節目有人睇感開心,但自稱工作忙又要睇美股,未睇對台節目。文:彭形影 圖:錢文坤、《東周刊》

陸浩明昨再度探討「年輕人」住屋議題,他說:「我喜歡幫助年輕人,也欣賞後生仔的創意。(介意被暗寸?)冇乜所謂,最緊要開心好玩,開心自己的節目有人睇!(再主持《#後生仔傾 偈》會否尷尬?)不會,我的角色似領隊,盡主持責任帶領年輕人說話,正如網友話齋,莫非兒童節目就要搵小朋友主持咩?(有否睇ERROR的節目?)咩台都睇,只要有好節目都會睇,日本韓國的節目也有看,但工作較忙。(即是ERROR的節目唔好睇而冇睇?)大家都畀心機做節目,互相支持啦!(唔睇ViuTV點知己知彼?)我要睇美股呀!」

自稱「姜糖」的馮盈盈被問有否看姜濤節目?她只說:「工作忙冇乜時間睇呀!(驚姜濤Fans罵而不敢多講?)不會,自己偶像有人支持,Fans應該開心。」二人又知道《開心大綜藝》被指不好笑,每次錄影後也有跟曾志偉一起檢討,6號認為公司會「自抽」已是新嘗試,例如C君模仿《尋人記》也很好笑,但二人承認節目有進步空間。

此外,對於「伯樂」余詠珊將離職,6號竟以「唔多熟」的口脗避答會否問候,只說:「公司有同事離職當然也要感謝他們的付出,祝福新發展。(即是會不會聯絡她?)可能……會問候 !」他又不清楚公司是否有「限廚令」,但暫未會與肥媽再合作《食平D》。

193搏到盡全裸上陣

今期《東周刊》報道ERROR成員193不但搞笑,為演出更搏到盡,扮女人甚至全裸都肯,狂吸女fans迷戀他。

■陸浩明、馮盈盈昨日拍檔出席活動。

■6號笑言希望幫助年輕人,及欣賞後生仔的創意。

■193為演出搏到盡,吸引不少女fans。(《東周刊》圖片)

■6號唔介意被暗寸年紀大,馮盈盈就不再多提姜濤。

娛樂