《乘風破浪的姐姐2》阿嬌張栢芝辭演避尷尬 節目組被網民質疑為炒作

·2 分鐘文章
《乘風破浪的姐姐2》阿嬌張栢芝辭演避尷尬 節目組被網民質疑為炒作
《乘風破浪的姐姐2》阿嬌張栢芝辭演避尷尬 節目組被網民質疑為炒作

內地綜藝節目《乘風破浪的姐姐》播出時大受歡迎,唔少參加女星都人氣爆升,官方早前食住個勢宣布第二季嘅消息,並公開10張剪影照,引起網民熱烈討論。第二季將於近日錄影,網民最關心嘅當然係姐姐嘅名單啦!早前盛傳阿嬌(鍾欣潼)怕再次憶起豔照事件,避免與張柏芝同台而退賽;張柏芝亦避免與前夫嘅現任女友王菲同台而退賽。淨係呢啲尷尬場面,花生指數就已經爆晒燈。

第二季嘅參加名單多次喺網絡流出,最新名單包括那英、周筆暢、容祖兒、陳妍希及董潔等等。一直有傳阿嬌係製作組最想邀請嘅參賽者之一,原因係阿嬌出身偶像組合,加上喺內地人氣不俗,不過可惜佢喺後期推辭咗。消息傳出後,唔少網民都議論紛紛,更有網民猜測係佢知道有機會與張栢芝同台,怕會令到觀眾諗起豔照事件。至於張栢芝方面,有傳佢已經答應並簽約出演,仲已經準備飛往長沙拍攝,但得知節目主題曲將由謝霆鋒現任女友王菲主唱而退賽,因為佢唔想因此被劇組消費。另外,節目繼續由黃曉明擔任主持,尷尬嘅點就係有傳佢前女友李菲兒將會參賽,到時佢哋嘅對話應該會成為焦點。

消息傳出後,網民們都紛紛留言討論,甚至有唔少網民鬧爆節目組,例如:「佩服這個節目組」、「那就是送上門的話題」、「節目組真的是要炒作嗎,太太過分了」、「好吧,這下尷尬了!」、「不能同台不見得是壞事」、「不參加也正常~現在一些的節目組請完你,就利用明星八卦搞熱度~」、「節目組真的有點不那麼人道哈」及「這節目就是想火想瘋了,不考慮别人的感受嗎」等等。

鍾欣潼
鍾欣潼
鍾欣潼
鍾欣潼
張栢芝(微博圖片)
張栢芝(微博圖片)
張栢芝(微博圖片)
張栢芝(微博圖片)

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!