九州貓島60隻貓被毒殺 兇手終於被捕!

日本有唔少「貓島」,而位於九州福岡北九州市嘅馬島(真名,但大家都以「貓島」去稱呼),居民只有30幾人,但原本就有90隻貓貓,生活悠閒,吸引好多遊客上島探訪。不過貓島嘅貓咪於去年突然大量死亡,部分都口吐白沫,極有可疑。後來發現有人於島上放上有毒餌食,令原本90隻貓咪,減至30隻。 如此人神共憤之事,隔咗一年後,警方終於拘捕疑兇,竟然係一位80多歲嘅本地居民老伯,而老伯卻堅稱,落毒只係想毒殺烏鴉,估唔到最後卻令貓咪死亡。姑勿論熟真熟假,但成功拉到人,都叫做為貓貓報仇。其實事件都引伸出日本一眾貓島嘅問題,雖然吸引到遊客,但島上並非所有居民都歡迎貓咪,因為貓咪會破壞當地農作物或漁獲,而幫貓咪做絕育手術嘅費用,亦要由全島居民夾錢,更莫講話大量遊客入侵民居,帶來不便呢。所以都要反思一下,究竟貓島旅遊對當地居民係咪公平呢?

北九州貓島上原本有90隻貓,只剩30隻。
北九州貓島上原本有90隻貓,只剩30隻。
不幸被毒殺嘅貓咪口吐白沫,死狀可憐。
不幸被毒殺嘅貓咪口吐白沫,死狀可憐。
日本好多媒體都有報道事件,非常哄動。
日本好多媒體都有報道事件,非常哄動。

相關文章:

夢幻玻璃屋藏山林幽谷-煙雨秘境好療癒

無邊際泳池坐擁山海-百萬絕景度假必訪

意大利十二世紀水底古城-明年重見天日

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!