九龍灣美食︱「酸辣姐」工廈外賣酸辣粉$25+/碗!30多款配料剔紙仔任揀
香港人對川菜很受落,酸辣,麻辣,麻酸辣,大中小bb辣,都各有捧場客。九龍灣一間新開兩個月的廠廈外賣店,幾乎零宣傳,只靠網上口碑,竟然可以只在lunch time兩小時內賣到150份酸辣粉。聽店主講,客人之中八成是附近的OL們,唔怕肥都要食,證明味道有保證!
【立即讚好】全新 Yahoo Food Facebook 專頁
五斤豬骨熬成湯膽 再加酸辣醬
食酸辣粉,最怕薯粉太腍,或太韌。小店「酸辣姐」店主阿豪及酸辣姐開店前試過四至五款薯粉,最後選中現時這款粗薯粉:「軟硬適中,索湯力又好」阿豪說。說到湯,就是心機所在,他在開舖前做過功課,發現坊間不少酸辣粉都是滾水烚煮,再加湯加餸,薯粉會難以上味。
這裏的做法則是每日用五斤豬骨熬成骨湯,加少量調味。酸辣味則靠自製的酸辣醬提供,上枱前刻意去油。湯底的酸度及辣度可以分開選取,要大酸小辣,小酸大辣都可以。
配料有港式油炸鬼
有湯有粉,餸則以車仔麵的剔紙仔形式自選,共三十多款。最平$5/份,最貴$16/份,大路的有木耳、金菇、豆卜、娃娃菜、萵筍片,特別一點要數陳皮魚蛋,牛脷等,最想不到連港式油炸鬼都有!每份半條,浸在酸辣湯中,索了湯汁,刺激入味。
小店也有近年大熱的麻辣燙,麻辣汁與酸辣粉的不同,做法是一次過把配料放湯浸煮,配索湯的餸如風琴豆腐、蘿蔔、枝竹就最正。小食如涼皮,拌牛脷等也很受熟客歡迎,牛脷更是阿豪的自信出品,切成薄片,炆烚時間足夠,塊塊爽脆惹味,炎夏做lunch特別醒胃。
酸辣姐
地址:九龍灣宏冠道6號鴻力工業中心B座 2樓26室(地圖按此)
電話:5740 1128
全新訂座平台「Yahoo訂餐廳×Openrice」正式上線!
更多九龍灣美食推介
九龍灣美食|一人薄餅專門店!推介四重芝士pizza+足料意式肉腸
九龍灣美食|元朗燒賣皇后妙舒進駐淘大花園!$12/5粒自家製香菇豬肉燒賣+秘製辣醬
【九龍灣美食】九龍灣午餐高質茶餐廳 新鮮粟米忌廉通粉/手撕雞湯咖喱/咖喱蛋包飯
【九龍灣外賣】Deliveroo戶戶送九龍灣首設戶戶小廚 消費滿$200享75折優惠
【九龍灣火鍋】犇殿台灣火鍋任食火鍋放題 $178起食盡回本靚牛
九龍灣美食廣場Foodeli午餐推介10間 限時全單8折優惠
MUJI無印良品九龍灣旗艦店開幕!全港最大分店:日本食材/茶米/手造麵包
【今晚食乜好】唔知今晚食乜餸?立即去Yahoo Food 食譜專頁搵靈感
>>按此下載<< 全新Yahoo APP,領取最新餐廳優惠、氣炸食譜、自助餐推介、仲有飲食達人教你識煮識食,讓你成為真正全面的吃貨,立即下載!