亂鬼咁 但幾好睇

【星島日報報道】通常,能引小弟買飛入戲院的電影,不外乎因口碑轟傳或明星導演卡士超級。但亦有例外,就是如《黑白迷宮》一類,有老友客串,覺得需要捧場。 呢呢,《黑白迷宮》正是因為老友麥洛新,上畫時公布有佢,扮演圍村阿伯(此君凡扮街坊阿伯、道友、老人院院友一類人物,根本唔使化妝造型,過癮!),哈,咁就去瞄瞄先。 點知,喂喂喂,大佬,有冇搞錯?由頭到尾點解完全冇老麥出場,但係,演員表又有佢喎。一問之下,唉, 料,原來場戲剪 ! 呢套《黑白迷宮》,擺明小本製作,畀機會新導演上位,所以,並冇大卡士。導演名闞家偉(聞所未聞有呢個姓氏!),演員方面,絕非星光熠熠,不過,想睇演技,一定滿足,因為有任達華、劉兆銘、林雪、陳小春,呢幾位閃亮綠葉拍過N套江湖片,扮演黑社會大佬,真係上晒身,不少觀眾覺得,黑人物就是咁款 。 闞家偉導演技法只及電視製作A級水平,不過,營造氣氛及鏡頭調度方面,頗有杜琪 影子,明顯受「杜大師」影響甚深。睇真 ,原來此片監製、編劇及老闆,冇一瓣係杜琪 ,而是不少香港觀眾極有意見的王晶! 王晶拍賀歲片,經常起用天王巨星,包括周潤發、劉德華及張家輝等,但亦同時以「糟蹋」明星著名,搞到個個變小丑,演技無從發揮,唔湯唔水。事實,在大量王晶出品中,不乏低級趣味之作。你彈佢Cheap?但翻查記錄,「肥佬晶」亦拍過不少有風格作品,任監製、導演或編劇的電影,更以百計,真真正正養活不少電影人,抵佢牙擦 。 講番《黑白迷宮》,老老實實,拍得非常麻麻,間中亂鬼咁 。幸而幾條老戲骨,乜戲落 佢 手,也有神采。此片最精采又經典一幕,為林雪自隊五碗白飯。點解?無謂劇透啦 嘛? 阿碌開咪 曾智華 專欄