【二手遊戲機格價】PS4、Switch、Xbox二手價低至$900 入手前四大試機注意事項你要知!

【二手遊戲機格價】PS4、Switch、Xbox二手價低至$900 入手前四大試機注意事項你要知!
【二手遊戲機格價】PS4、Switch、Xbox二手價低至$900 入手前四大試機注意事項你要知!

今年年尾適逢聖誕節、元旦都同weekend撞埋,變相成個假期可以「請四放十」;雖然抗疫時期暫時仲未有得去旅行,但只要有對的人一齊做對的事,齊齊圍埋打最鍾意嘅game,留喺屋企一樣可以好好enjoy!今次Yahoo著數專員就幫大家整理左PS4、Switch同Xbox等唔同遊戲機嘅二手價位,睇啱邊部平平地同屋企人或者男女朋友一齊打機,都係假期好選擇!不過買二手電器始終要謹記交收時check清楚,記得睇埋文末四大check機要點先出手買機,咁就萬無一失啦!

【二手遊戲機格價】PS4、Switch、Xbox二手價低至$900 入手前四大試機注意事項你要知!
【二手遊戲機格價】PS4、Switch、Xbox二手價低至$900 入手前四大試機注意事項你要知!

PlayStation 4 二手價低至 HK$1,000

【二手遊戲機格價】PS4、Switch、Xbox二手價低至$900 入手前四大試機注意事項你要知!
【二手遊戲機格價】PS4、Switch、Xbox二手價低至$900 入手前四大試機注意事項你要知!

自從PS5一機難求嘅情況出現,PS4價格反而再回落左,截至2020年12月頭二手價只係市面零售價大約35%,而且相近價位無論係Carousell定DCFever都有唔少現貨,係入手嘅好選擇!

PlayStation 4 Pro 二手價低至 HK$1,300

【二手遊戲機格價】PS4、Switch、Xbox二手價低至$900 入手前四大試機注意事項你要知!
【二手遊戲機格價】PS4、Switch、Xbox二手價低至$900 入手前四大試機注意事項你要知!

如果你比較貪心想一次過save多幾隻game,PS4 Pro 1TB版就更適合你喇。著數專員仲發現現時DCFever暫時普遍二手價位都低過Carousell,要入手就要把握時機喇!

Nintendo Switch 二手價低至 HK$1,500

【二手遊戲機格價】PS4、Switch、Xbox二手價低至$900 入手前四大試機注意事項你要知!
【二手遊戲機格價】PS4、Switch、Xbox二手價低至$900 入手前四大試機注意事項你要知!

長玩長有嘅Nintendo Switch不斷都有新game或者舊game新版推出,特別係舊年大熱而大人細路都啱玩嘅「動物森友會」,另外仲有薩爾達傳說同Splatoon等等,似乎除左在家抗疫,之後都仲可以玩多一排!

Nintendo Switch Lite 二手價低至 HK$1,000

【二手遊戲機格價】PS4、Switch、Xbox二手價低至$900 入手前四大試機注意事項你要知!
【二手遊戲機格價】PS4、Switch、Xbox二手價低至$900 入手前四大試機注意事項你要知!

至於Lite版比起Switch就無跌價咁多,睇返兩個平台都只係平左22%,不過呢部勝在多顏色揀,而且機身輕巧,等到疫情無咁嚴重,想出街時玩都可以隨身攜帶。

Xbox One (1TB) 二手價低至 HK$500

【二手遊戲機格價】PS4、Switch、Xbox二手價低至$900 入手前四大試機注意事項你要知!
【二手遊戲機格價】PS4、Switch、Xbox二手價低至$900 入手前四大試機注意事項你要知!

同PS4一樣係新款Series X啱啱出嘅Xbox One二手價比PS4跌得仲勁,DCFever最低只係賣緊零售價三折有突,如果本身有留意開嘅話實在非常抵買。

入手前四大注意事項你要知!

二手機雖然平,但電子用品同其他二手產品唔同,功能上會有比較多細節需要喺交收時檢查清楚。睇啱心水遊戲機之後,約交收前先睇睇以下四大注意事項,咁就可以happy shopping喇!

注意事項一:盡量去公眾地方面交

無論喺咩平台睇到二手放機嘅資訊,始終買賣雙方都係初次交易,約喺人流較多嘅公眾地方進行面交,無論有咩事起上嚟都有旁證,交易就更安心喇。至於郵寄,電子遊戲機呢類體積比較大而且有機會於運送途中損壞嘅野,就建議盡量避免喇。

注意事項二:盡量去有電源嘅地方試機

麥當勞、Starbucks、Café等等都係適合約面交嘅地方,原因就係可以借用電源試機,開到機之後確保充電正常,禁返五至十分鐘咁上下如果都無異樣,證明部機work就可以落到下一步喇。除左以上坐得低嘅地方,某啲商場又或者某啲地鐵站等都設有充電位或者可以租借流動充電器,大家可以按買賣雙方嘅方便程度約返唔同地點交收。

注意事項三:保持衞生

疫情期間最重要保持衞生,遊戲機特別係手制呢啲會長時間拎住嘅野一定要保持清潔。開始檢查之前你可以先問一問賣家介唔介意你為部機同配件進行簡單消毒,即使賣家唔OK,喺你確定買機之後、開始玩之前都記得要消毒。一般電子用品唔建議直接噴消毒酒精,但可以用有酒精含量嘅濕紙巾輕拭機身同手制表面,咁樣試機就更安全安心喇。

注意事項四:由外到內逐樣check

如果你係外貌協會會員,機身外觀呢啲可以喺網上睇圖check到嘅野,你都會想親眼check多次有無花痕、甩色之類。但即使你唔係太介意外觀,都可以憑外觀判斷到呢個賣家有無如實說明部機嘅狀態,因為接住落嚟你就要check佢功能喇。

首先,當然係數齊原裝盒咁多樣野齊唔齊啦。然後可以逐樣睇睇主機機身、底座 (如有) 同手制嘅插頭有無生鏽痕跡,如果有就會影響插電接觸面,繼而影響打機嘅暢順度。另外,每個機件如果有按鍵都可以輕輕禁下,測試回彈同反應正唔正常。

然後到電線同火牛,就可以睇睇佢地係唔係原廠線;然後檢查佢近接頭嘅位置有無開叉或者斷裂,如果之後有問題要重新配返,買二手就無咁抵喇。

下載全新Yahoo App

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞!新人更可即時換領限量新人禮,立即下載!

相關連結:

【Yahoo Rewards聖誕月】一連20日送大禮 半島酒店住宿、Switch健身環、美食、家居娛樂大放送

【免費著數】Yahoo APP 送你$50超市現金券

【240款口罩任你揀】Yahoo會員免費換自選口罩 防禦能力達最高標準