二次大戰地堡改建成民宿 勁受德國人歡迎
二次大戰至今已經70多年,仍然遺下眾多為人津津樂道嘅戰役以及遺蹟,令人不勝唏噓。當年於法國北部聖帕比地區,德軍為抵抗敵軍而興建大量地堡,而其中一個雷達站現今就由一位名為Serge Colliou嘅富豪購入,經18個月時間改建後,翻新成為一間400多呎嘅民宿!
民宿可以容納8人入住,除咗睡房及客廳之外仲有酒吧。Serge話希望透過改建保存遺蹟,唔一定要於博物館內先可以睇到,更可以親身體驗及感受。地堡現在名為Bunker L479,民宿中仲展示二戰期間嘅頭盔、槍械等等。開業至今極受德國人歡迎,紛紛前來朝聖,當然亦有唔少法國人都同樣有興趣。自問係軍事迷嘅朋友,記住Bookmark定喇!
(圖:Bunker L479@Twitter)
按此下載 全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: