于淼「最強小三」 為事業錯過良緣

于淼自爆咁大個女只拍過一次拖,男士們識做啦!
于淼自爆咁大個女只拍過一次拖,男士們識做啦!

近日在熱播劇演「小三」的于淼,入型入格相當乞人憎,但她卻樂在其中,能成功挑戰角色才最重要!不過她自爆只拍過一次拖,一度擔心「搶人老公」未夠入戲。

藝人于淼於《多功能老婆》飾演霸氣女總裁「顏成功」一角,成功拆散楊千嬅與黃浩然的家庭,被封為「最強小三」!她日前接受訪問時坦承,接劇本時感到壓力,主要來自千嬅與黃浩然:「因為佢哋演戲都好叻,我初初拍嘅時候,真係有啲驚佢哋,之後發現佢哋好好、好幫我!黃浩然聽到我廣東話如果發音唔係幾好,會糾正我;至於千嬅,記得有一場我畀錢叫佢離開劍雄(黃浩然)嗰場戲,佢喊得好慘,令我可以好入戲。」

擇偶揀上進男

飾演搶人老公的角色,問到于淼可擔心觀眾不喜歡?她說:「佢哋鬧得愈犀利,我愈開心!我好少演呢類角色,能夠挑戰到,我都好開心!(拍之前參考過其他劇?)有睇《穿Prada的惡魔》,同埋會聽身邊朋友嘅經驗。」

劇中為愛情不擇手段,于淼自爆現實在愛情方面其實很被動:「我平時喜歡喺屋企睇電影,唔會主動去認識人,咁耐以嚟先拍過一次拖!對方係一個細過我嘅男仔,拍咗都有兩年,但因為佢想結婚,我就想喺事業上打拚,所以最後分手。(咁你有咩擇偶條件?)希望對方同我一樣係基督徒,有上進心,一切等天父安排。」

場地:滝Raki Japanese Fine Dining

于淼在《多功能老婆》中搶人老公,師奶睇到咬牙切齒。
于淼在《多功能老婆》中搶人老公,師奶睇到咬牙切齒。
于淼身形高挑纖瘦,平時最愛做運動及瑜伽。
于淼身形高挑纖瘦,平時最愛做運動及瑜伽。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能