【五年抱四】Mandy Lieu定居英國 被爆上年為周焯華誕下第四胎

太陽娛樂集團老闆周焯華（洗米華）感情生活多姿多彩，2014年同混血索模Mandy Lieu發展三角戀，Mandy當時嘅「人肉坐墊」轟動全城。之後Mandy選擇移居英國過新生活，低調幫洗米華生小朋友。不過幾年嚟洗米華一直周旋於老婆陳慧玲（Heidi）同Mandy之間，令Mandy去年決定分手。有報道指Mandy喺分手後發現懷有第四胎，BB亦於去年10月出生。雖然二人已分手，但Mandy指佢哋永遠都係一家人，會一齊養育子女。

Mandy近年轉型做才女，喺雜誌做專欄作家，介紹英國飲食文化，有時都會講下家庭狀況。有外媒稱佢為「millionaire model」，事關Mandy身家富有，斥資2億8千萬於漢普郡（Hampshire）購入370多萬平方米嘅莊園，打算打造成有機食品嘅生態農場。Mandy透露本身係大女Sarah想要一隻牛做聖誕禮物，所以佢就買咗個農莊俾個女，之後先開始搞佢嘅農場大生意。

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！

Download link: https://bit.ly/33oUdvq