【亞盃外圍賽】熱血球迷隻身赴印撐港隊 場內孤軍打氣：輸人唔輸陣

【Yahoo 新聞報道】香港觀眾收看亞洲盃外圍賽直播，除了喜見港隊屢創佳績，鏡頭轉向看台，空蕩座席上出現一個紅衣支持者撐港隊。他不是住在印度的亞洲面孔，而是土生土長的香港人 Jason。疫情下隔離政策繁複，印度也非港人熱門旅遊地，Jason 卻選擇孤身去一個陌生國度支持港隊。是甚麼驅使他排除萬難飛去睇波？「呢個機會唔係成日有，港隊疫情前已經唔係（踢）好多場，唔會因為小小困難而輕易放棄（支持佢哋）。」

疫情前，不少本地球迷包括Jason不時隨港隊飛去外地觀賽。疫情後，這些尋常都變得不尋常，「今次得返我一個，感覺有少少孤軍作戰，冇計，頂硬上。」只因這位熱愛港足的球迷，早前錯過了傑志在泰國亞冠盃歷史性晉身十六強，「我好後悔，所以今次印度之旅完全唔可以錯過」。

友人送打氣旗幟：無聲都有畫面！

但印度不是泰國，當中有很多變數，除了不熟悉的風土人情，治安、衛生、交通都是Jason的顧慮。出行前申請簽證已是一大障礙：「要準備好多文件，申請表好多嘢填，好官僚，中間又要去大使館面試，攞簽證又要等，每個步驟都好困擾。」他本來有個同行朋友，便因簽證不獲批，被迫「遺棄」Jason。他唯有獨自起行，獨自走上觀眾席，獨自被敵隊球迷冷嘲熱諷。

他指很多港人欲親身赴印，但因隔離政策、預算、簽證等因素無法成行。友人得知Jason即將出發，即送上兩面香港旗托他帶去球場打氣，「輸人都唔好輸陣，冇聲都有畫面！」他更入住球員下榻酒店，出賽前提早在大堂守候，近距離為球員打氣加油。港人去印度很易水土不服，港將顏樂楓後來向Jason贈送一箱飲用水，感謝他的支持。

高呼「We are Hong Kong」 印球迷和應

印度人的熱情也令Jason改觀。首場港隊對戰阿富汗，他所在的觀眾區域被很多阿富汗球員親屬包圍。然而中途突然有多名印度人加入，「我仲諗佢哋做乜鬼呢？原來幫香港隊打氣喎！」Jason一句「We are Hong Kong」，這班客串的香港球迷也跟隨和應，「佢哋話去過香港旅遊，又同（港隊主帥）安達臣影過相，仲畀埋張相我睇。」港隊最終以2:1勝出，日前再3:0大勝柬埔寨，最後一場分組賽面對主隊印度，Jason笑言自己「以一敵眾」，有點擔心，畢竟印度球迷也十分投入賽事。但港隊目前手執6分，他對出線機會樂觀，印港對戰賽前或已知出線結果，他希望屆時可與印度球迷一起輕鬆享受賽事。

Jason 早於2009年接觸和支持本地波，後來經營講波專頁「numberball12」交流足球資訊。最早期看英超球隊，認識外國足球技術。對照之下，他認為港足水平不差，「我睇過更差、更冇氣氛嘅足球。香港足球、港隊、港超有啲比賽表現都好好。」本地足球發展艱辛，全職球員犧牲不少。他呼籲港人盡力支持港隊、香港超級聯賽以及其他本地球會，因為球會派人出賽，港隊才有現今佳績，「如果我哋作為球迷都唔撐，條路點樣行？香港波一場飛先$80、$100，每個人主動少少，少少力量集腋成裘，可能做到好多改變。」