亞馬遜實體超級市場 拎完貨唔使畀錢就走得?
網上購物嘅大哥大亞馬遜一向都致力研究如何方便人於網上購物,近年開始回歸基本步,從Online變Offline,發展實體購物,例如早前開啟多間實體書店。嚟緊2017年亞馬遜又有新大計,而且未有任何公司實行過,就係超市零員工零收銀化,即係話入到去超市,只要揀啱產品,拎完放入袋就走得!咁係點可以做到呢?成個過程原來係店內會裝上多個CCTV,只要入店前開APP,並必須於入口到Scan下個Barcode,就會辨認出你個人ID,然後你走到每一個架上停留的話,CCTV會連接系統,會偵測閣下位處嘅產品區,然後當你揀好產品放入袋內,系統會記低,就算萬一你考慮完發覺唔想要,一放返上架,系統亦會自動扣除;總之當你走出超市一刻,系統就會計數並用信用卡自動過數。全程無須排隊付款,可謂係實體購物界嘅一大步,因為目前雖然已經有機械人收銀,但顧客仍然需要排隊並自助付款。超市名為「Amazon Go」,預計於西雅圖開業,面積約2千平方呎,好期待呀!
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!
於亞馬遜總公司西雅圖開業,面積約為2千平方呎。
顧客可以自由排選當中生活用品及食物。
每個ID都有各自嘅Barcode,唔怕有人入內偷竊。
相關文章: