交通津貼壞了電子支付的好事(石先生)

中環街市

特首昨天發表施政報告,其中一項備受關注嘅措施係《免入息審查的公共交通費用補貼計劃》,每月交通費超過 400 元就可以享用,人人受惠,聽落真係一件好事,但政府可能好心做壞事。

根據計劃嘅介紹,市民搭地鐵、巴士、小巴、渡輪及電車都可以得到補貼,而獲得補貼嘅方法只有一個,就係採用八達通來計算及獲取補貼。

因為計劃必須使用八達通嘅關係,市民除左方便外又再多一個誘因使用八達通,對於鞏固八達通依家嘅小額電子支付地位又進一步,新來者想要進入小額電子支付市場難度又再增加,對於本來已經唔發達嘅電子支付環境來講真係一個噩耗。

轉多一個角度來說,假設現時嘅競爭者排除萬難成功突破八達通嘅護城河,令市民可以用其他電子支付來俾錢,但由於政府呢個《補貼計劃》,市民使用嘅誘因就咁俾政府政策降低,相對也提昇了其他電子支付攻入大眾交通嘅難度及減低攻入此市場後嘅成功率。

想要解決呢個問題,又想執行上簡單,今時今日似乎都無咩方法,唯有期望金管局明年推出嘅「快速支付系統」有考慮埋大眾交通呢個部份,令市民儘管使用多種電子支付方法,都可以統一計算,然後獲取補貼。不過,石先生覺得大家都係唔好太大期望,咁樣身體反而會健康啲。

想香港電子支付追上特首口中嘅中國大陸水平,似乎仲有好遠嘅一段路。

作者:石先生(科技博客Stone IP

八達通好落後?

===============

財經精選資訊網站「中環街市」  臉書粉絲頁

你可能還想看