人工2.8萬元hea工返5日半 VS 人工3.2萬元間中要OT 網民:點揀好?

生活
·6 分鐘文章

揀工的準則,人人不同。有人希望返工輕輕鬆鬆等放工,有人則著眼於人工。日前有網民於討論區發文,指自己搵工尚算順利,收到兩個offer,其中一份人工較低、要返5日半但工作性質較為輕鬆,而另一份工則是人工高、返5日但有時要OT。面對這兩個offer,網民持有兩極意見。

撰文:經一編輯部|圖片:Unsplash|原文刊於:經濟一週

樓主:Hea工同OT工點揀?

日前,有人於香港討論區,以「28,000 HEA 工五日半 VS 32,000 五日辛苦 OT工,點揀???」為題發文,指自己收到兩間公司的offer,兩份工作性質類似,同行同工,年假、病假等公司福利差不多,唯一的分別是工作日數以及薪水。樓主因而發文希望收集廣大網民的意見。

A餐︰人工28,000元,返五日半,近屋企,即係星期一至五,星期六返半日,問過做過嘅朋友,工作內容都唔煩,有少少HEA,好似幾好做,至少唔會太CHUR。不過星期六要返半日真係有少少浪費時間,而且又無嘢做嘅話,真係返去坐下就算。

B餐︰人工32,000元,返五日,有少少遠,星期六日全日放假幾爽。不過見工嗰時講明有時要OT,仲可能會OT到半夜,無補水不過有的士錢可以問公司拎。勝在人工多4,000元幾好使,又可以放兩日假。

人工2.8萬元hea工返5日半 VS 人工3.2萬元間中要OT 網民:點揀好?
有人發文表示自己收到兩個offer,但不知應如何選擇。(圖片:Unsplash)

網民:梗係A餐啦!咁辛苦做咩

帖文一出,引起網民熱議。不少人認為返工最緊要輕鬆且無工作壓力,認為樓主可以先選擇「A餐」,之後再搵第二份工或在空餘時間進修。

  • 「梗係A餐啦!平日準時放工 可以多啲私人時間做自己嘢,星期六都係返多半日工,星期六下午一樣可以出街玩。」

  • 「帳面又真係A餐好啲,B餐講到明要OT, 除非樓主打算短炒做兩三年走人,如果唔係,都係揀A餐,之後去進修再考慮轉工啦!」

  • 「A!咁都要問!繼續搵工啦!再搵一份40,000蚊又hea又返5日又唔使OT!!!」

  • 「多啲時間搵偏財」

「我係你梗係揀hea工,而且仲要一邊搵第二份5日嘅工,因為返五日半都幾辛苦!要OT嘅工分分鐘要加到夜晚8、9點,仲要無飯食,餓親個胃,會捱到病!」

又有網民表示,就算「A餐」的人工較低,但勝在返工近、不用OT。有人更表示,假如選擇「B餐」要加班的話,「A餐」的時薪或許更高。

  • 「當然A,咁辛苦做咩,4,000蚊做得啲咩先。」

  • 「B餐OT無補水,平時又忙,唔求升職就一定要A餐。如果計埋加班啲時間嘅時薪,隨時A餐高過B。」

人工2.8萬元hea工返5日半 VS 人工3.2萬元間中要OT 網民:點揀好?
有網民指應選擇一份輕鬆的工作。(圖片:Unsplash)

揀人工高嘅offer 未來轉工叫價更高

不過,有網民卻持有相反意見,認為應該要選擇人工較高的offer,樓主未來轉工,叫價可以高於32,000元。

「你要知道好多轉工睇嘅,都係依家份工嘅人工,加10%至15%走。 假設兩間公司除咗你講嘅嘢,分別不大。依家多4k,即係成世每個月多4k。揀28K兩年後搵下份工可能32k,再兩年搵下份工可能37k;揀32K兩年後搵下份工可能37K,再兩年搵下份工可能43K。當然,如果你唔在乎個幾K,想hea就另計。」

  • 「多4K等於成世多4K, 所以應該揀B。 捱兩年再搵過份有人工加嘅hea工,而且5日半同5日係差好遠,5日工星期四晚已經係holiday mood,再簡單啲諗,假設你返緊份5日工,老板叫你OT,你寧願每日做夜啲定星期六返去?」

  • 「一定揀32K。下次轉工可以搵36K,38K。」

人工2.8萬元hea工返5日半 VS 人工3.2萬元間中要OT 網民:點揀好?
有人認為樓主應選擇人工高的offer,捱多兩年再搵一份有人工加的hea工。(圖片:Unsplash)

有得OT等於公司發展好?

有網民表示,公司要求員工加班,代表業務發展得快嗎,有發展潛力。有人則認為hea工裁員機會大,「B餐」的選擇更加穩陣。

  • 「通常hea工比人裁員機會大好多,想穩定我會揀B」

  • 「我會揀B,話哂過3萬月入!2萬8蚊人工可以有幾hea啊!」

  • 「依家梗係睇邊份穩陣,有時hea未必好。」

  • 「睇個人,要OT就明顯證明呢間公司發展得更快。如果你想發圍肯定揀B公司,A公司咁興鬆,證明無咩發展,自己諗。」

「如果樓主只求安穩、A係不錯,但有機會公司生意同工作量成正比,難保未來(正在可Hea,容易找人代替),之前做過呢份工那人又因咩事走,你也參考吓自己前人嘅想法;B係辛苦,但如果出咗名,你仍有心有力,這份工作經驗係未來會令你CV加分,或許你能力好、效率高不用夜夜OT!」

人工2.8萬元hea工返5日半 VS 人工3.2萬元間中要OT 網民:點揀好?
有人認為1份工要OT就代表公司的發展快。(圖片:Unsplash)

網民:唔應該只考慮人工

有網民則認為,無論是選擇「A餐」或是「B餐」,樓主不應只考慮人工,亦須衡量那份工作的晉升前景、公司性質等因素。

「睇下邊份有晉升機會,前途好啲。同埋睇你幾多歲,想hea做定博殺。有時唔係淨係睇錢,要計好多嘢。」

「睇個人同咩公司。如果係政府工、年紀大、有家庭所以要準時走就揀A;如果要穩定工作(如你要供樓)、想要揀大公司或好生意,A同B都得;如果鍾意5日工、要學嘢、想自我上進,就揀B(又多啲人工)。」

延伸閱讀:

回南天防潮有妙法!17招力抗潮濕天氣!家居、衣服防潮實用技巧

【新疆棉花】陳冠希停售CLOT x Nike聯名系列 中國網友:「致敬」