人醜有著數 意大利小鎮樣衰就入到藉？

呢個世界從來都係樣貌協會玩晒，人靚著數自然多，Your face, your fate似乎係千古不變定律；但哪有咁多靚仔靚女吖，你估韓劇咩！自問其貌不揚，甚至自覺「樣衰」的話，原來都有歸宿之處，真係學國產007話齋：「一張廁紙一條底褲都有佢價值」。原來喺地球另一邊嘅意大利，有一個名為皮奧比高（Piobbico）嘅小鎮，呢個原本人口只有2千人嘅小鎮，最著名嘅係佢表明係一個「醜人鎮」，只要自覺自己生得醜就可以申請入藉，而小鎮門口都有一個大大嘅警告牌「醜人出沒注意」。雖然醜人鎮真係愈嚟愈多醜人，但佢哋卻生活得非常愉快，仲自覺醜有醜嘅可愛！佢哋仲話「靚人有束縛，醜人反而活得自在」。點解會有呢個傳統計呢？原來喺幾十年前，小鎮中住咗128位女人，但由於天生醜導致嫁唔出；結果相聚而居，久而久之反而愈嚟愈多醜人慕名而來。唔好以為呢個小鎮只有Gimmick呀，遊客嚟到仲可以參觀Tour，了解人醜嘅心理缺撼等等專門知識架！

醜人小鎮而家可以話成為意大利其中一個景點！

小鎮出面有個警告牌，表明小心慎入。

小鎮有本小冊子寫明每位會員姓名另加相片。

相關文章：

搭飛機揀位座之五大貼士

一年一度壽司祭又來了！大阪1500Yen限定 壽司放題 ！@港女的日本生活手帳

【泰國自由行】泰國羊駝山樂園 羊駝集結地

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！