以為生暗瘡 20歲媽咪爭啲冇命

·1 分鐘文章

20歲人生暗瘡,尋常不過啦。 如果只係生暗瘡,真係飲得杯落架啦。   澳洲年青媽咪Jorgia發現自己額頭生咗粒大「暗瘡」, 有成個5毫子咁大,即係直徑大約1吋左右。   但係Jorgia開始出現偏頭痛、呼吸困難、心口同手臂有痛楚, 睇醫生,都係當成「生暗瘡」,只係開抗生素俾佢。   Jorgia發現粒瘡同身體嘅痛,冇改善嘅跡象。 醫生於是安排照超聲波,終於真相大白。 「暗瘡」原來係一種罕見腫瘤,令免疫系統攻擊頭骨,造成一個大洞。 治療方法就係切除Jorgia部份頭骨,再用石膏造成嘅替代模件, 冚返埋個窿。   結果Jorgia要做呢個大手術兼縫23針,先至搞掂呢粒「暗瘡」。 而且康復期間體力大不如前,難以返工或者湊小朋友, 家人喺眾籌網Gofundme開設咗專頁,希望善心人幫手。   Jorgia嘅媽媽話,個女康復進度良好,但係好可能返發, 而且唔排除擴散到其他器官……   希望Jorgia呢個病同暗瘡一樣,話咁快好返。 原文傳送門