任晴佳 「高攀」琦琦 捱冷行沙灘

東方日報
·1 分鐘文章
任晴佳天生麗質,近乎素顏影相,依然靚爆鏡。
任晴佳天生麗質,近乎素顏影相,依然靚爆鏡。

任達華的15歲愛女任晴佳(Ella)又長高了,身高1米75的她直逼1米80的母親琦琦。早前他們一家三口到澳洲度假,熱愛攝影的任達華,親自為妻女拍攝一輯溫馨照。

當日Ella只塗唇膏和睫毛液,在任達華的「視角」下,這對高美人手拖手、攬腰行沙灘,非常溫馨,但其實當時非常大風,不少途人均穿羽絨,與她們的單薄衣着相映成趣,琦琦說:「嗰日影足一日,Ella同華哥都被風吹到凍親,之後要飲薑水,不過好值得。Ella不嬲唔鍾意影相,今次當係母親節一個好好紀念,又係佢嘅青春紀錄。我好鍾意輯相,好特別,華哥一向鍾意影景,影我哋佢好開心,話以後畀Ella睇番,嗰種開心係換唔番,感覺我哋一齊陪住佢成長。(華哥冇份出鏡?)第一次做背後男人,幕後掌鏡。」

琦琦15歲時才1米74,指女兒比她當時還要高。
琦琦15歲時才1米74,指女兒比她當時還要高。