任賢齊變「煮夫」 謝嘉怡煲劇學廣東話

謝嘉怡睇吓書又一日,過得非常充實。
謝嘉怡睇吓書又一日,過得非常充實。

香港小姐冠軍謝嘉怡早前專程飛返蘇格蘭為媽咪驚喜慶祝母親節,現已返港並在酒店接受21日隔離,期間在社交網分享睇書、做瑜伽的照片,看來相當適應隔離的日子。昨日她接受電話訪問,問到「被困」21日會否苦悶,她充滿正能量說:「唔會呀!隔離都好多嘢可以做,好似喺房用跑步機跑步,又可以做吓瑜伽,最重要趁得閒追劇學廣東話,同埋學少少普通話。」

至於穿梭中、港、台的任賢齊更堪稱「隔離之王」,已隔離多達7次,他說:「第一次困喺酒店14日,真係有少少懷疑人生,因為我比較好動,唔係好坐得定,但之後就有晒心理準備,雖然都會孤單同寂寞,但總算適應咗。我會預備好多嘢畀自己做,好多時睇劇本,逼自己勤力寫歌,又會跳繩做運動,覺得還可以。之前喺台灣家居隔離,我仲學識煮嘢食,影相畀屋企人睇,仲畀個仔笑添!」