任達華遇襲：霍汶希報喜 稱第二次手術順利完成

藝人任達華昨日(20日)在中山出席活動時被狂徒持襲擊刺傷腹部，昨晚回港入院留醫，今早(21日)再由太太琦琦陪伴進行第二次手術治療。英皇高層霍汶希(Mani)表示手術順利完成：「報告一下給各位，華哥今天情況，醫院為他做了一些跟進手術，使他康復得更好，手術很順利，現在華哥正在休息。」

此外，中午12時琦琦助手下來，接任達華的胞兄任達榮與2名家人，眾人行入醫院時，見到大批傳媒，任達榮禮貌說：「辛苦晒，辛苦晒！(華哥情況如何？)出嚟話你哋聽。」

琦琦今早由助手陪同到達醫院，問到華哥是否今早做手術、傷勢情況、可有進食及是否清醒時，她均默言不語，之後匆匆進入醫院。經電話追問下琦琦確認消息表示：「華哥正在做手術。」

昨晚11時45分，楊受成與太太及Mani一同離開醫院。問到楊生任達華情況？他說留給Mani說明。Mani接受訪問時說：「華哥隻手嚴重啲，依家未郁到包住咗，要睇吓影唔影響到神經線。（華哥精神點？）依家瞓緊覺，休息緊。（囡囡喺上面？）囡囡唔喺上面，太太喺度，佢好擔心，醫院叫我哋唔好留喺度，但我哋都會有三個保安留喺度，醫院都覺得安全啲。」

問到旗下藝人返內地會否加強保安？Mani說：「不嬲都有，其實今日都有，會減少同粉絲互動嘅活動。（華哥工作點？）最近嘅應該係飛去北京宣傳電影《小Q》，都有電影同廣告拍，依家都要暫時停工。（兇徒有精神病？）都係睇新聞先知，大家都係擔心華哥多啲！」

Mani續指費用全由英皇負責，而華哥現於ICU病房，不能留太多人，有幾個專科醫生看診。