伍仲衡疑激嬲TVB被叫停《中年》評判工作 參賽者唔開名暗嘲：當正自己係要比人供奉

著名音樂人伍仲衡為TVB歌唱真人騷《中年好聲音》擔任評判後人氣急升，上月與同為11月21日生日嘅「中一生」顏志恒舉行生日會。於生日會上，伍仲衡宣布已與《校園好聲音-唱響中國》大學生歌唱比賽冠軍洪心怡簽約，認為對方好有潛質，同佢簽約係最好嘅生日禮物，自己會負責音樂方面，太太則會負責做經理人工作。不過，有媒體收到消息，指伍仲衡此舉疑惹怒TVB高層，更傳出TVB即時叫停伍仲衡《中年好聲音3》評判工作。而伍仲衡表示自己喺生日會後收到電話通知下次錄影唔需要佢，不過佢就話TVB冇講原因。

消息傳出後，《中年好聲音3》參賽者李玥穎就喺Threads出PO，表示自己喺參賽時被其中一位評判發炮，佢冇指名道姓係邊個，只係寫嗰個人被炒：「見到新聞有人被炒，心𥚃百般知味，好似天氣一樣有點涼。《中年好聲音》無疑的確係一個珍貴體驗，呆等十幾個鐘，個妝由fresh 到出油，不停練習，鼓起勇氣，出到個台唱，眼見面前台下幾位同我一樣被迫營業嘅精神狀態，台上嘅我其實明白評判都也只係呢個節目其中一個齒輪，佢哋都係返工啫，直至到今次新聞人物，係我唱完唒成隻歌先戴headphone，仍在台上嘅我，忍唔住自己嘅面部表情「西」咗一下面，喂你冇認真聽，你都扮下野吖，咁大個人唔係輸贏嘅問題，而係互相尊重。肥媽的確係呢個節目嘅中軸，不時過嚟後台比鼓勵參賽者，親民冇架子，好過其他人真係當正自己係要比人供奉，對D參賽者理所當然，完咗錄影之後，一直不是味兒，見好多其他同學仔有寫千字文，我都心有餘悸。多謝呢個節目嘅體驗機會，幕後人員製作認真，可惜幕前演員演出唔夠專業，對音樂同參賽者欠一個交代，餘下盲撐嘅人，終會有醒覺嘅一天。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！