伍允龍罕有講鍾嘉欣八年地下情 被叫奀星 承認唔忿氣 一定要拍TVB劇

伍允龍罕有講鍾嘉欣八年地下情 承認唔忿氣 一定要拍TVB劇

尋晚崔健邦同麥美恩主持嘅《諸朋好友》邀請伍允龍同安志杰擔任嘉賓,兩人都有同過圈中人拍拖歷史,難免要講吓。曾經同謝婷婷拍拖嘅安志杰坦言向來努力工作,但係往往俾人當係「某某個男友」,同場嘅伍允龍亦有同感。

伍允龍罕有講鍾嘉欣八年地下情 承認唔忿氣 一定要拍TVB劇
伍允龍罕有講鍾嘉欣八年地下情 承認唔忿氣 一定要拍TVB劇

同鍾嘉欣傳緋聞傳足8年冇公開嘅伍允龍話,即使已經拍過好多戲好搏命,依然試過畀人叫茄喱啡、奀星,外界只係關心佢同邊個拍拖。伍允龍仲首度講起舊情,被問到咁多負面影響點解唔放棄呢段關係,伍允龍解釋「其實OK,開心嘅。只係對方喺工作上嘅問題,要收埋我少少」,又暗示對方因為工作要收埋感情,又形容舊愛當時好紅,但自己係無名小卒。伍允龍多次強調「明白嘅」,但承認地下情對佢有傷害。

崔建邦大爆伍允龍私下曾揚言一定要拍TVB劇,伍允龍承認係唔忿氣,但就話咁啱當時TVB有劇搵佢,但經理人覺得唔適合推咗,好在之後TVB再搵佢拍《城寨英雄》,終於成功入屋。

伍允龍。
伍允龍。

伍允龍同鍾嘉欣2007年因為拍電影《十分愛》而傳出撻著,一年後鍾嘉欣搵伍允龍拍MV,外界開始當佢地係一對,雙方亦互相到對方生日會同演唱會,姿態十足男女主人。不過2015年鍾嘉欣生日會見唔到伍允龍,後來佢地分別表示好少聯絡,似乎戀聞告一段落。單身多時嘅伍允龍多次傳出煲水緋聞,對象包括劉佩玥同近期嘅唐詩詠。而鍾嘉欣分手後遇上脊醫Jeremy,拍拖10個月後喺2015年結婚,婚後三年拍兩,留喺加拿大相夫教子,前年先返香港拍劇《星空下的仁醫》。

伍允龍罕有講鍾嘉欣八年地下情 承認唔忿氣 一定要拍TVB劇
伍允龍罕有講鍾嘉欣八年地下情 承認唔忿氣 一定要拍TVB劇

至於安志杰同謝婷婷2009年公開戀情,拍拖期間經常孖公仔現身,但到2013年宣布分手,有傳導火線係謝婷婷不滿安志杰掛住打機影響事業。安志杰2014年被傳媒影到同混血索模Jessica C一齊返屋企,因而被踢爆戀情,拍拖年幾Jessica C承認懷孕,安志杰亦向女友求婚。而家安志杰同Jessica C有一對仔女,不時喺社交平台分享家庭生活,相當幸福。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!