何依婷婚後一年貼超音波照報喜 分享懷孕初期多不適：係天賜嘅禮物

TVB小花何依婷（Regina）與圈外老公結婚一年後再有好消息，Regina今天（3日）於IG晒岀超音波照並公布懷孕喜訊，準備當媽媽！

Regina回應《Yahoo娛樂圈》分享初為人母的感受，「其實啱啱知道有BB嘅時候我好驚喜，始終都係冇呢個計劃，畢竟都係結婚啱啱一年，但呢個係天賜嘅禮物，所以都好開心好期待。」

媽媽不易做，Regina坦言：「陀BB初期有好多唔舒服，要食多啲薑等胃酸唔好倒流，𠵱家已經過咗孕早期嘅唔舒服，喺飲食習慣上其實都冇乜大改變，主要都係注意吓啲食物，要煮熟食同埋乾淨。」

她計劃生B後要繼續追演藝夢，「其實我自己冇特登去停工嘅，只不過喺工作上嘅選擇要就一就住，畢竟係懷孕，強度唔可以太高，𠵱家接多咗啲活動上嘅嘢。希望生完BB之後快啲修身、恢復返，然後可以繼續工作。作為媽媽，都要做好自己呢個榜樣畀小朋友睇，唔可以放棄自己嘅夢想同事業。」

Regina於IG貼岀家庭照報喜：

「1+1=3

3個人的海島之旅

感恩寶寶的到來 是上天賜給我們最珍貴的禮物 經歷這個神奇的懷孕之旅 期待你成為健健康康、肥肥白白的小寶寶

感謝老公的照顧 讓我自由地做自己喜歡的事情 無論工作或玩樂都無限支持 令我成為一個快樂的小孕婦

懷孕後 真的體會到天下間所有媽媽的不容易 祝大家身體健康~妳們辛苦了!

希望我們的寶寶都快高長大平平安安

#momtobe #worthit #babymoon」