何天兒上載短片分享近況 網民:唔同左樣

·2 分鐘文章
何天兒
何天兒

港姐出身嘅何天兒(前名何傲兒)近年北上發展順利,獲得唔少內地觀眾及網民支持。最近因疫情關係,佢選擇留港避炎,更不時把相片及相片上載到社交網站同粉絲分享近況。好似最近佢就上載咗健康飲食及為努力抗疫嘅大家打氣嘅短片,不過大家嘅焦點就放喺佢嘅無敵海景香閨同埋佢嘅外貌上面,唔少網民認為佢而家太瘦,紛紛留言話:「係瘦左D。加返5磅會靚D。」、「瘦到認唔到你」、「唔同左樣 認唔到你」、「食肥少少靚女D」及「太瘦了」等等,事後何天兒都有回應話係角度問題。

何天兒短片截圖
何天兒短片截圖
何天兒短片截圖
何天兒短片截圖

喺2007年參選港姐嘅何天兒,當時有「翻版黎姿」嘅佢被視為大熱門,可惜最後無緣進入8強,只獲得「旅遊大使獎」。入讀藝員訓練班後加入無綫,2008年憑處境劇《畢打自己人》中飾演千金小姐Suki一角而為人認識。雖然佢喺唔少劇集都係做配角,不過喺劇集《誰家灶頭無煙火》及《心戰》等都有唔錯嘅表現。一直未有上位機會嘅何天兒,2015年喺微博宣佈約滿離巢,而《波士早晨》就係佢嘅告別作。喺2018年,佢選擇北望神州,更接拍首部內地偶像劇《歸去來》,喺劇中飾演留學生凱瑟琳,深受內地網民愛戴,人氣急升。除此之外,佢亦進軍內地KOL界,經常分享運動及美容心得,成為美容達人,獲得唔少內地網民支持。另外,早前佢以近百萬拍接內地樓盤廣告,吸金力驚人。

至於感情方面,大家最有印象嘅一定係何天兒同年紀相差51年嘅林建名被傳譜出一段「爺孫戀」,期間又傳出佢搭上西貢地王之子周子揚,及被傳媒影到二人咀咀。後來女方向男方提出分手,高調加入林建明嘅大名娛樂做旗下藝人,更以契爺稱呼對方。事件峰迴路轉,震驚整個娛樂圈。喺轉戰內地後,何天兒變咗緋聞絕緣體,仲話自己要專注工作。

何天兒
何天兒
何天兒
何天兒
何天兒
何天兒
何天兒
何天兒
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能