何廣沛聲線難聽 被高層照肺

何廣沛(左起)、郭子豪與方紹聰於節目中大爆秘密。
何廣沛(左起)、郭子豪與方紹聰於節目中大爆秘密。

何廣沛、郭子豪、方紹聰為林盛斌(Bob)與江美儀主持的無綫節目《Mean Talk》擔任嘉賓,以Mean見稱的美儀及Bob讀出3人大量負評,其中何廣沛被批評聲線難聽,他直認最近被高層曾勵珍「提點」:「佢話我講嘢真係唔得,做得好差,不如唔好做呢行啦,嗰刻我終於知道嚴重性。」又自爆曾在珍姐房間練習英語咬字長達1小時,很感激對方栽培。

而郭子豪自爆與女友鄧卓殷自2年前開始,每晚均會視像通話才入睡:「瞓住都唔會熄部電話,瞓醒又見到對方。如果佢仲未醒,我咪開住個Call做住自己嘢先。」美儀笑言:「Sweet得嚟好黐線!」